کندز کې د اوبولګولو دوه کانالونه ګټې اخیستنې ته وسپارل شول

content_admin
سه‌شنبه ۱۳۹۹/۵/۲۱ - ۱۱:۲۶
کندز کې د اوبولګولو دوه کانالونه ګټې اخیستنې ته وسپارل شول
۲۱ زمری ۱۳۹۹
د کندز دکرنې، اوبولګولو او مالدارۍ ریاست وایي، چې په دې ولایت کې د اوبولګولو د یوشمېر کانالونو د رغولو چارې پیل شوي دي، چې له دې ډلې د دوو کانالونو د رغولو چارې بشپړ او ګټې اخیستنې ته وسپارل شول.
د کندز د کرنې ریاست وایي، چې په دې ولایت کې د کرنې، اوبولګولو او مالدارۍ وزارت اړوند د لاندې کوکچې د اوبو د زېرمو د پانګونې پروژې (LKISP) له خوا د امام صاحب او دشت ارچې په ولسوالیو کې د اوبولګولو د دویمې درجې د یو شمېر کانالونو د رغولو چارې پیل شوي دي، چې له دې ډلې د یونس او جمالي د اوبولګولو د کانالونو د رغولو چارې بشپړ او ګټې اخیستنې ته وسپارل شول.
دغه کانالونه، چې ۱۳ کیلو متره اوږدوالی لري، په پاخه او اساسي ډول رغول شوي دي، چې د اوبو د تنظیم او وېش په برخه کې د یادو سیمو د بزګرانو ستونزې په اساسي توګه حل کړي دي. د دغو کانالونو د رغولو ټولیز لګښت ۱۲ میلیونه افغانۍ ده، چې د اسیایي پرختیایي بانک له خوا تمویل شوي دي.
یاد کانالونه په ټولیزه توګه زر هکټاره ځمکه خړوبوی او همدارنګه له دغو کانالونو څخه اوه زره او ۶۰۰ کسان په نېغه او زرګونه نور کسان په نانېغه ډول ګټه پورته کوي.
له دغو کانالونو یوتن برخمن بزګر د دشت ارچي ولسوالۍ اوسیدونکی انځرګل وایي: « پخوا موږ د کرنیزو اوبو په برخه کې ګڼې ستونیزې درلودې، خو کله چې یاد کانالونه په پاخه او اساسي ډول رغول شوې زموږ لري پرتو کروندو ته اوبه په آسانۍسره رسیږي او د حاصلاتو په کچه کې مو خورا زیاتوالی راغلی دی.»
د دغو کانالونو رغول ددې ترڅنګ، چې د اوبو د ضایعاتو مخه نیسي د کانالونو تر پوښښ لاندې ځمکو د حاصلاتو د ډېر والي لامل هم کیږي.

تازه ترین اخبار

پنجشنبه ۱۴۰۰/۷/۲۹ - ۱۱:۵
Background image

جلسه کمیته تخنیکی وزارت در رابطه به پروژه ملی جلوگیری از تخریب زمین برگزار شد

٢٩ میزان  ۱۴۰۰ هـ.ش
١٤ ربیع الاول ۱۴۴۳ هـ.ق
این جلسه با حضور مولوی عبدالرحمن راشد سرپرست وزارت زراعت، مولوی شمس الدین شریعتی معین  آبیاری و منابع طبعی و اعضای کمیته تخنیکی وزارت زراعت. . .

پنجشنبه ۱۴۰۰/۷/۲۹ - ۹:۵۳
Background image

جلسه چگونگی جمع‌آوری عواید وزارت زراعت برگزارشد


٢٩ میزان ۱۴۰۰
جسله‌ی تحت رهبری فضل‌الباری‌ فضلی معین مالی و اداری وزارت زراعت، آبیاری و مالداری دایر شد و در آن روی توحید و شامل ساختن عشر و زکات در عواید وزارت زراعت بحث صورت گرفت.
در. . .

چهارشنبه ۱۴۰۰/۷/۲۸ - ۱۴:۲۳
Background image

به ۴۳۸ کارگر در ولایت سمنگان مواد غذایی توزیع شد

۲۸ میزان ۱۴۰۰ هـ.ش
۱۳ ربیع الاول ۱۴۴۳ هـ.ق
برنامه غذایی جهان (WFP) روند توزیع بسته‌های مواد غذایی و کمکی به ۴۳۸ کارگر‌ی که در مقابل غذا تحت دو برنامه «واترشید» و «حفر شبکه‌های آبرسانی». . .

BACK TO NEWS