کندز کې د اوبولګولو دوه کانالونه ګټې اخیستنې ته وسپارل شول

content_admin
سه‌شنبه ۱۳۹۹/۵/۲۱ - ۱۱:۲۶
کندز کې د اوبولګولو دوه کانالونه ګټې اخیستنې ته وسپارل شول
۲۱ زمری ۱۳۹۹
د کندز دکرنې، اوبولګولو او مالدارۍ ریاست وایي، چې په دې ولایت کې د اوبولګولو د یوشمېر کانالونو د رغولو چارې پیل شوي دي، چې له دې ډلې د دوو کانالونو د رغولو چارې بشپړ او ګټې اخیستنې ته وسپارل شول.
د کندز د کرنې ریاست وایي، چې په دې ولایت کې د کرنې، اوبولګولو او مالدارۍ وزارت اړوند د لاندې کوکچې د اوبو د زېرمو د پانګونې پروژې (LKISP) له خوا د امام صاحب او دشت ارچې په ولسوالیو کې د اوبولګولو د دویمې درجې د یو شمېر کانالونو د رغولو چارې پیل شوي دي، چې له دې ډلې د یونس او جمالي د اوبولګولو د کانالونو د رغولو چارې بشپړ او ګټې اخیستنې ته وسپارل شول.
دغه کانالونه، چې ۱۳ کیلو متره اوږدوالی لري، په پاخه او اساسي ډول رغول شوي دي، چې د اوبو د تنظیم او وېش په برخه کې د یادو سیمو د بزګرانو ستونزې په اساسي توګه حل کړي دي. د دغو کانالونو د رغولو ټولیز لګښت ۱۲ میلیونه افغانۍ ده، چې د اسیایي پرختیایي بانک له خوا تمویل شوي دي.
یاد کانالونه په ټولیزه توګه زر هکټاره ځمکه خړوبوی او همدارنګه له دغو کانالونو څخه اوه زره او ۶۰۰ کسان په نېغه او زرګونه نور کسان په نانېغه ډول ګټه پورته کوي.
له دغو کانالونو یوتن برخمن بزګر د دشت ارچي ولسوالۍ اوسیدونکی انځرګل وایي: « پخوا موږ د کرنیزو اوبو په برخه کې ګڼې ستونیزې درلودې، خو کله چې یاد کانالونه په پاخه او اساسي ډول رغول شوې زموږ لري پرتو کروندو ته اوبه په آسانۍسره رسیږي او د حاصلاتو په کچه کې مو خورا زیاتوالی راغلی دی.»
د دغو کانالونو رغول ددې ترڅنګ، چې د اوبو د ضایعاتو مخه نیسي د کانالونو تر پوښښ لاندې ځمکو د حاصلاتو د ډېر والي لامل هم کیږي.

تازه ترین اخبار

سه‌شنبه ۱۴۰۱/۷/۱۲ - ۱۵:۲۵
Background image

کونړ کې په نږدې پنځه زره کروندګرو د سبو تخمونه ووېشل شو


۱۲ تله ۱۴۰۱ه‍.ش
۸ ربیع‌الاول ۱۴۴۴ ه‍.ق
د کونړ دکرنې، اوبولګولو او مالدارۍ ریاست د AHP په مالي او د سرچ مؤسسې په تخنيکي مرسته ددې ولايت په شيګل او مرورې ولسوالی کې په۴۹۰۰ کروندګرو د. . .

سه‌شنبه ۱۴۰۱/۷/۱۲ - ۱۵:۶
Background image

کندز کې د کرنیزو څېړنیزو پروګرامونو د پلي کولو لپاره کرنیز عملیات پیل شو


۱۲ تله ۱۴۰۱ه‍.ش
۸ ربیع‌الاول ۱۴۴۴ ه‍.ق
د کندز دکرنې، اوبولګولو او مالدارۍ ریاست وايي چې  د کندز د کرنې ریاست د رهبرۍ د لارښوونې پر بنسټ، د کرنې د چارو عملي چارې، چې (د ځمکې چمتو کول او. . .

سه‌شنبه ۱۴۰۱/۷/۱۲ - ۹:۰
Background image

‎کونړ کې د کبانو په ۱۸ فارم لرونکو د کبانو خوراکه اواړین توکي ووېشل شول

د کونړ دکرنې، اوبولګولو او مالدارۍ ریاست د مالدارۍ ځنځیري ارزښت پروژې د( USAID-DAI ) په مرسته د کونړ  ولايت په نرنګ، سرکاڼو او څوکۍ ولسوالیو کې په ۱۸ کب روزونکو د کبانو خوراکه او اړین. . .

بازگشت