د ننګرهار دکانال ریاست د اوبو یوشمېر کانالونه بیارغوي

د ننګرهار دکانال ریاست چارواکي وايي، چې په دې ولایت کې د اوبو د کنټرول او ښه مدیریت په پار ددې ریاست اړوند یوشمېر کانالونه بیارغوي.
د ننګرهار دکانال ریاست چارواکي وايي، چې ددې ریاست اوړند یو لوی کانال چې د ثمرخېلو د غره په زړه کې تېر شوی او زرګونه جریبه ځمکه خړوبوي بیا رغول کېږي.
د ننګرهار دکانال ریاست چارواکي وویل:«له ښه مرغه اوس د ننګرهار کانال رياست پلان لري، چې دا او په عمومي نهر د اوبو فرعي دروازې فعالې او ترمیم کړي ».
د چارواکو په خبره، پدغه لوى نهر باندې ۳۱ زره هکتاره کرنيزه ځمکه اوبه کېږي، ۷۱ کيلو متره اوږدوالى لري او له شاوخوا شپږو ولسواليو څخه تېرېږي .
د ننګرهار دکانال ریاست چارواکو زیاته کړه: «که چېرې دا کانال په منظم ډول ونه کارول شي په زياته اندازه ځمکه به د اوبو د نشتون او يا کمښت له امله زيان وويني او زموږ ملي اقتصاد ته به ستر زيان واوړي ».
د ننګرهار دکانال ریاست هلې ځلې کوي، چې ددې ولایت د کانالونو په بیارغولو سره د اوبو مدیریت په سمه توګه ترسره او د اوبو د ضایعاتو مخه ونیسي.