هلمند کې د خټکیو افاتو او ناروغیو مخنیوی کمپاین ادامه لري
۳۱غبرګولی ۱۴۰۱ ه.ش
۲۲ ذوالقعده ۱۴۴۳ ه.ق
د هلمند ولایت دکرنې، اوبولګولو او مالدارۍ ریاست اړوند دنباتاتو د ساتنې دلوی مديريت کارکوونکو له لوري دخټکيو د افتونو او ناروغیو دمخنیوی پروګرام چې مخکې پیل شوی دی دوام لري.
ددې پروسې له لارې کرونده ګرو ته دخټکیو ناروغیو او افاتو د مخنیوی هر اړخیز معلومات اوپوهاوی ورکول کېږي ترڅو حاصلات یې په کمي او کیفي لحاظ د قناعت وړ وګرځي.
ددې لپاره، چې په هلمند کې کرونده ګر په دې موسم کې د خټکیو د بېلابېلو ناروغیو له امله زیانمن نشي او د خپلو پالیزونو څخه ښه حاصلات لاس ته راړوي، په همدې موخه به د سیمه ییزو کارکوونکو لخوا بزګرو ته د یادو ناروغیو او افتونو د مخنیوي میخانیکي لارې چارې ښودل دوام ولري.
