۲۶ لېندۍ ۱۳۹۸
د ننګرهار ولایت د کرنې، اوبولګولو او مالدارۍ ریاست چارواکي وایي چې، د ننګرهار او لغمان ولایتونو د مالدارو کوچیانو د مالونو خوندي کولو په پار د دوی څارویو ته د ریخک پر وړاندې د خوندیتوب واکسین ورکوی. د ننګرهار د کرنې ریاست وایي، چې په دې پروګرام کې به د کوچیانو د مالونو د خوندي کولو په پار په دوو پړاوونو کې د کوچیانو نږدې سل زره مېږي او وزې ته د ریخک پر وړاندې واکسین ورکول کیږي ترڅو په همدې شمېر څاروي له دې ناروغۍ څخه خوندي کړي.
ددې پروګرام په لړ کې دغه راز کوچیانو ته د څارویو د ریخک ناروغۍ په هکله معلومات هم ورکول کیږي.
باید وویل شي چې، له ناروغیو سره د مبارزې په موخه د یاد پروګرام په پلي کېدو سره له یوې خوا د څارویو په منځ کې د وژونکو ناروغیو د خپراوي مخه نیول کیږي او له بلې خوا د څارویو په منځ کې د تولید کچه هم لوړیږي.