اروزګان کې یوشمېر بزګران او بڼوال وروزل شول
د اروزګان دکرنې، اوبولګولو او مالدارۍ ریاست وایي، چې ددې ریاست اړوند د سبو او نباتاتو ساتنې تخنیکي او مسلکي ټیم ددې ولایت د مرکز ترینکوټ کې کروندګرو او بڼوالو ته د بڼونو د ناروغیو او په غنمو کې د کیمیاوي سرو شېدنې په هکله روزنه ورکړی دی.
له دې برنامې څخه برخمن شوي بزګران خوښ، چې دوی داسې روزنیزې برنامې په لاره اچول کېږي دوی وویل: «داسې روزنیزې برنامې بزګرانو ته ډېر ګټور تمامېږي او د دوی د حاصلاتو په زیاتوالی او عوایدو په لوړولو کې ډېر زیات رول لري.»
د اروزګان دکرنې ریاست هلې ځلې کوي، چې د دې ولایت د بزګرانو او مالدارانو د پوهې کچه لوړ او د دوی د حاصلاتو او عوایدو زیاتولو ته زمینه برابره کړي.
