۲۲ تله ۱۳۹۹

دکرنې وزارت د کرنیزو محصولاتو مدیرت د پروژې په اډانه کې د ننګرهار ولایت په مرکز او ۱۴ ولایتونو کې د ۱۳۷ میلیونه افغانیو په لګښت د ۳۷۸ پروژې چارې څو میاشتې وړاندې پیل کړي دي، چې اوس یې رغنیزې چارې ۸۵ سلنه بشپړ شوي دي. ددغو پروژو لس سلنه لګښت برخمن شوي بزګران ورکوي، چې په کې د کچالو ۱۲ او د پیازو ۳۶۶ صفر انرژۍ زېرمتونونه شامل دي.

د کرنیزو محصولاتو مدیریت پروژه په ټول هېواد کې بڼوالو او بزګرانو ته نږدې ۱۲ زره ودانۍ جوړوي او دغه راز د سبو او مېوو د وچوونکو دستګاوو په وېش سره سلګونو مېرمنو ته د کار زمینه برابروي.