ولسمشر: د همېشه بهار سمسورتیا ته لا ډېره پاملرنه وکړئ

۱۳ کب ۱۳۹۸
د هېواد ولسمشر محمداشرف غني نن (سې شنبې د کب ۱۳مه) د یو لوړ پوړي پلاوي په مشری ننګرهار ته رسېدلی.
ښاغلي غني سره په دې سفر کې د مشرانو جرګې مشر، دملي امنيت سلاکار، يو شمير وزيران او نور لوړ پوړي چارواکي ملتيا لري.
جمهور رییس محمد اشرف غني ننګرهار ولایت ته په رسېدو سره سم په داسې حال کې، چې د کرنې، اوبولګولو او مالدارۍ وزیر نصیر احمد درانی یې هم ملتیا کوله د ننګرهار ولايت مقام کې په خپل لاس نيالګی کېنوه.
ښاغلی غني ددې ولایت چارواکو ته سپارښتنه وکړه، چې د همېشه بهار ننګرهار سمسورتیا ته دې لا ډېره پاملرنه وکړي.
باید وویل شي، چې د ولسمشر له خوا د کب ۲۰ مه د نیالګیو کېنولو ملي ورځ نومول شوې ده، چې په ترڅ کې به یې په ټول هېواد کې سلګونه زره مېوه لرونکي او بې مېوې نیالګي کېنول شي.