لغمان کې دکبانو ۴۰ نوي فارمونه جوړیږي

content_admin
دوشنبه ۱۳۹۸/۱۱/۲۸ - ۱۲:۴۳
 لغمان کې دکبانو ۴۰ نوي فارمونه جوړیږي

۲۸ سلواغه ۱۳۹۸
لغمان کې د کب روزنې فارمونه د ودې په حال کې ده او په تېرو څو کلونو کې په دغه ولایت کې د کبانو روزنې ډېر شمېر فارمونه جوړ شوي دي.
د کرنې وزارت د بڼوالۍ اومالدارۍ ملي برنامه «NHLP» ددې ولایت د کب روزنې د فارم لرونکو د ملاتړ په پار د کبانو ۲۰ فارم لرونکو ته د کب روزنې ۴۰ نوي فارمونه جوړوي.
د لغمان دکرنې، اوبولګولو او مالدارۍ رییس محمد جمیل خوشحال وایي، چې د کب روزنې د دغو ۴۰ نوي جوړېدونکو فارمونو ټولیز لګښت ۱۹ میلیونه او ۳۳۴ زره افغانۍ ده، چې ددې ولایت اړوند ۲۰ فارم لرونکو ته جوړیږي.
ښاغلی خوشحال وویل، چې روان کال په دې ولایت کې د کبانو روزنې د فارمونو د پراختیا په پار یوشمېر پروژې په پام کې نویل شوي وې، چې په دغو پروژو کې پر فارم لرونکو د کبانو بچي وېشل او د کبانو روزنې نوي فارمونه جوړول شامل و.
د لغمان دکرنې رییس انجنیر محمدجمیل خوشحال وایي، چې د لغمان په مرکز مهترلام او ددې ولایت په قرغیو ولسوالۍ کې اته زره او ۱۵۶ هکټاره جبه زاره ځمکه شتون لري، چې د کب روزنې فارمونو لپاره مناسبه ده. ښاغلی خوشحال وویل، چې خلکو ته د کاري فرصتونو برابرولو او د کورنیو اقتصادي پیاوړتیا په پار په پام کې ده، چې په دغو ځمکو کې د کبانو فارمونه جوړ شي.
لغمان ولایت کې د کب روزنې ۴۰ نوي فارمونه په داسې حال کې جوړیږي، چې په دې وروستیو کې د کب روزنې د پراختیا د هغې طرحې پر اساس، چې د کرنې وزارت له خوا چمتو او د اقتصادي عالي شورا له خوا تایید شوی دی، د فارمونو د جوړولو ترڅنګ، به تر دې وروسته د کرنې وزارت د کب روزنې د تکثیري فارمونو پر جوړولو ډېر کار کوی، تر څو د خصوصي سکټور لپاره د کب روزنې د ودې فرصتونه برابر شي.
باید وویل شي، چې د کرنې وزارت له خوا په ۱۳۹۹ یم کال کې د کب روزنې د څلورو تکثیري فارمونو جوړولو په پار ۴۵ میلیونه افغانۍ ځانکړې شوې ده.
دا په داسې حال کې ده، چې په همدې کال کې دکرنې وزارت ددې وزارت د بڼوالۍ او مالدارۍ ملي پروژې له لارې د خصوصي سکټور پانګوالو لپاره د کب روزنې ۸۰ فارمونه جوړوي.
په افغانستان کې د کب روزنې د فارمونو شمېر دوه زرو او ۳۵۰ ته رسیږي، چې ډېری یې په کندهار، هلمند، ارزګان، ننګرهار، لغمان، بلخ او نیمروز ولایتونوکې شتون لري او له دغو فارمونو د کال څه باندې ۱۱زره او ۵۰۰ ټنه کبان تولیديږي.

تازه ترین اخبار

پنجشنبه ۱۴۰۳/۱/۹ - ۱۳:۸
Background image

آموزشی دهی  و توزیع ۶۴۰ بوری شکر برای ۱۵۰ نفر از اعضای اتحادیه زنبورداران ولایت بدخشان

۹ حمل ۱۴۰۳ هـ.ش
ریاست زراعت، آبیاری و مالداری ولایت بدخشان در همکاری پروژه زنجيره ارزش محصولات زراعتی افغانستان برای ۱۵۰ نفراعضای اتحادیه زنبورداران ضمن تدویر برنامه آموزشی یک روزه. . .

پنجشنبه ۱۴۰۳/۱/۹ - ۱۳:۷
Background image

نشست مسوولان ریاست زراعت ولایت بادغیس با مسوولان موسسه ناروی در زون غرب

۹ حمل ۱۴۰۳ هـ.ش
 مولوی آخندزاده ملاعبدالحی منیر رئیس زراعت، آبیاری و مالداری ولایت بادغیس با رئیس موسسه ناروی در زون غرب ملاقات کرد.
 در ابتدا رئیس زراعت وضعیت زراعتی و مالداری را در. . .

پنجشنبه ۱۴۰۳/۱/۹ - ۱۳:۶
Background image

از وارد شدن ۹۷۰۰ کیلو خرمای بی‌کیفیت در ولایت فراه جلوگیری شد

۹ حمل ۱۴۰۳ هـ.ش
کارمندان ریاست حفاظه نباتات و قرنطین وزارت زراعت، آبیاری و مالداری از وارد کردن ۹۷۰۰ کیلوگرام خرمای بی‌کیفیت در بندرشیخ ابونصر فراهی ولایت فراه جلوگیری نمودند.
 قرار بود. . .

BACK TO NEWS