۱۲ لېندۍ ۱۳۹۸
د ننګرهار د کرنې، اوبولګولو او مالدارۍ ریاست اړوند له دویم ملي لومړیتوب څخه د ملاتړ برنامې (SNaPP2)له لورې د ننګرهار لسو ولسوالیو له کروندګرو څخه د غوره کروندګر د ټاکنې په پار غونډه وشوه.
په دې غونډه کې دد ننګرهار د کرنې، اوبولګولو او مالدارۍ ریاست چارسمبال ډاکټر محمد ضمیر بهسودي د خپلو خبرو په ترڅ کې کروندګرو ته د زده کړې، د ننداریزو قطعو د ښې ساتنې او نورو کروندګرو ته د تجاربو د لېږد په برخه کې خبرې وکړي او دغه برنامه یې د نورو کروندګرو د هڅونې په موخه ګټوره وبلل.
له دویم ملي لومړیتوب څخه د ملاتړ برنامې(SNaPP2) ولایتي مسوول نوراغا نوښت د خپلو خبرو په ترڅ کې وویل، چې د ننګرهار ولایت د لسو « بهسود، کامه، ښېوه، دره نور، ګوشته، لعلپوره، مهمندره، رودات، خوګیاڼي او سره رود» ولسوالیو له هغو کروندګرو څخه چې ورته ننداریزې قطعې جوړې شوي دي او له خپلو کروندو څخه ښې پایلې تر لاسه کړي دي غوره کروندګر ټاکل کیږي.
ددې کار موخه ددې ولایت د بېلابېلو ولسوالیو د کروندګرو ترمنځ همغږي او د نظرونو شریکول دي.