لوگر کي د تخمونو تولیدي شرکتونه میکانیزه شوې

د لوګر د کرنې، اوبولګولو او مالدارۍ ریاست وایي، چې ددې ولایت دتخمونو تولیدي شرکتونه میکانیزه شوي دي.
د لوګر د کرنې ریاست وایي، چې دکرنې وزارت د د CLAP/ICARDA برنام ېه په همکارۍ ددې ولایت په مرکز پل علم او برکي برک او محمدآغې ولسوالیو کې د تخمونو تولیدي شرکتونه جوړ وشوي دي. دغو شرکتونو ته ودانۍ او ګدام ، د تخمونو د پروسس ماشینونه، جنراتور، تخم پاش او تریشل ورکړل شوي دي، چې ټولیز لګښت یې ۲۷ میلیونه او ۳۰۰ زره افغانۍ ده.
د لوګر د کرنې رایست چارواکي وایي، چې د میرویس کرنمل شرکت هم یو له دغو درېوو شرکتونو څخه دی چې نوموړي شرکت ته د غلو او حبوباتو د تخمونو د پروسیس ماشینونه، جنراتور، د تخم پاش ماشین، تریشل اوټراکټور ورکړل شول.
د نوموړو ماشین آلاتو په استفادې سره به تولید شوي تخمونه له هر ډول هرزه ګیاوو، مات شوي او پوچ تخمونو څخه پاک او درجه بندي شي.
دلوګر د کرنې ریاست هلې ځلې کوی، چې د تصدیق شویو تخمونو په ترویج سره په دې ولایت کې د کرنیزو محصولاتو د تولید کچه لوړ کړي.