لوگر کي د تخمونو تولیدي شرکتونه میکانیزه شوې
![لوگر کي د تخمونو تولیدي شرکتونه میکانیزه شوې](https://www.mail.gov.af/sites/default/files/2019-09/69441664_2683106358380614_7451330060226658304_n.jpg)
د لوګر د کرنې، اوبولګولو او مالدارۍ ریاست وایي، چې ددې ولایت دتخمونو تولیدي شرکتونه میکانیزه شوي دي.
ددې ولایت دکرنې ریاست په خبره کابو درې کاله مخکې د لوګر په برکي برک ولسوالۍ کې د کرنې وزارت د کلپ (ایکارډا) برنامې له خوا د میربرکات په نوم د تخمونو د تولید یو خصوصي شرکت جوړ او په پرمختللي ماشین الاتو سمبال شوه. یاد شرکت د غنمو د تصدیق شویو تخمونو د پروسس لړۍ پیل کړئ، چې تر دې دمه یې ۷۰ مټریک ټنه تصدیق شوي تخمونه تولید کړي او دالړۍ لا هم روانه ده.
سږ کال هم یاد شرکت د تخمي غنمو د درې ورایټۍ (ګل-۹۶، صلح-۰۲او کابل-۰۱۳) په لرلوسره د روان کال لپاره د لوګر ولایت بزګرانو لپاره د غنمو تصدیق شوي تخمونه چمتو کوی.
دلوګر د کرنې ریاست هلې ځلې کوی، چې د تصدیق شویو تخمونو په ترویج سره په دې ولایت کې د کرنیزو محصولاتو د تولید کچه لوړ کړي.