ننګرهار؛ د څارویو د پوستکي پړسوب او کانګو ناروغي په اړه روزنیز پروګرام په لاره واچول شوه

۱۴ چنګاښ ۱۴۰۱ ه‍.ش
۶ ذوالحجَّة ۱۴۴۳ ه‍.ق
د ننګرهار د کرنې، اوبولګولو او مالدارۍ سره په همغږۍ د ملګرو ملتونو د خوړو او کرنې ادارې «FAO» د ختیځ زون سیمه ییز دفتر لخوا د دي ولایت د ۲۲ ولسوالیو سیمه ییزو وټرنرانو ته په څارویو کې د ویني بهیدونکې تبې یا کانګو (CCHF) او د پوستکي پړسوب (Lumpy Skin Diseases) ناروغیو په اړه یوه ورځنۍ روزنیز پروګرام په لاره واچول شوه.
ددې پروګرام په ترڅ کې د «FAO» د ختيځ زون سیمه ییز دفتر مسؤلینو لخوا د ۲۲ ولسوالیو سیمه ییزو وټرنرانو ته د یادو ناروغیو په اړه هراړخیز معلومات ورکړل شول. 
دغه راز د ننګرهار د کرنې ادارې په استازیتوب د مالدارې خدمتونو او څارویو روغتیا امر ډاکتر محمد ضمیر بهسودي هم د یادو ناروغیو د کنترول او مخنیوي په اړه وټرنرانو ته لازمې سپارښتنې وکړي، او زیاته يي کړه، چې د اختر د قربانۍ پر وخت باید هېوادوال ډېره پاملرنه وکړي او د هغه څارویو د پېر څخه ډډه وکړي، چې په پورته ذکر شوو ناروغیو اخته وي.