پکتيا کې د څه باندې ۱۴ ميلونه افغانیو په ارزښت د حبیب کلا د اوبولګولو شبکې د جوړولو چارې پیل شوې

mail-admin
دوشنبه ۱۴۰۰/۳/۲۴ - ۹:۴۳
پکتيا کې د څه باندې ۱۴ ميلونه افغانیو په ارزښت د حبیب کلا د اوبولګولو شبکې د جوړولو چارې پیل شوې

۲۴غبرګولی ۱۴۰۰
دکرنې، اوبولګولو او مالدارۍ وزارت دکرنې او خوړو خونديتوب بېړنۍ پروژې «EATS» له خوا د پکتیا مرکز ګردیز  اړوند  حبیب کلا کې د جوی کلان د اوبولګولو شبکې دجوړولو چارې پيل شوې.
د يادې شبکې د بنسټ ډبرې اېښودو  په  مراسمو کې د پکتیا والي محمد حلیم فدايي، د ولایتي شورا مرستیال جنت خان څمکنی، د ملي امنیت رييس ډګروال محمد فاروق انوري، دپکتيا د کرنې، اوبولګولو او مالدارۍ رييس انجنير  محمد دین مومند، قومي مشرانو، د ولایت مقام مشاورینو، د سکتوري او تخنيکي خدمتونو رييس انجنير سلطان احمدزی، د کلي مشرانو او  بزګرانو ګډون کړي وو.
 د پکتیا والي محمد حليم فدايي د ډبرې ایښودو پر مهال د حبیب کلا اوسیدونکو ته د یاد کانال د چارو د پیل مبارکي ورکړه او هم يې د کرنې ریاست د کړنو څخه خوښي وښوده، چې د پکتیا بزګرانو او مالدارانو لپاره يې ترسره کړي او کوي.
ښاغلي فدايي وویل، چې د حبیب کلا د جوی کلان د اوبولګولو دغه کانال د ۴۱۰۰ مترو په اوږوالي د کرنې وزارت  اړوند د کرنې او خوړو خونديتوب بیړنۍ پروژې «EATS» له خوا د ۱۴ميليونه او ۳۰۰ زره او ۳۴۰۰۰ افغانیو په ارزښت د یو کال په موده کې جوړېږي، چې په جوړیدو سره به يی ۱۰۷۰ جریبه کرنیزه ځمکه خړوبه شي.
ښاغلی فدايي زیاته یې کړه، دا چې بزګران د هېواد  ابادونکي دي، نو موږ  هم  هڅه کوو، چې د دوی د کرنیز اقتصاد د پیاوړتیا لپاره اړینې پروژې پلي کړو.
په همدې حال کې د پکتیا د کرنې رييس محمد دين مومند وویل، چې دکانال د جوړېدو په چارو کې به  د سیمې اوسیدونکو ته ۱۱۰۰ کاري ورځې برابر او ترې به مستقیمه ګټه واخلي.
د ښاغلي مومند په خبره په یاده سيمه کې به  له ۲۰ څخه تر ۳۰ سلنه د اوبو ضایعاتو مخه ونیول شي او بزګران به د کرنیزو ځمکو د اوبو کولو په برخه کې هوسا شي.
دغه راز د حبیب کلا اوسیدونکو  د پکتیا د کرنې ریاست څخه مننه وکړه، چې د کرنې د پراختیا په برخه کې د دوی په سیمه کې زیات شمېر ګټورې پروژې  پلي کړي دي.
همدراز د بنسټ ډبرې اېښودو څخه ورورسته د پکتیا والي محمد حليم فدايي، په یاده سيمه کې د کرنې ریاست له خوا د جوړ شوي متراکم بڼ او جوړو شویو سړو خونو څخه هم لیدنه وکړه او له بزګرانو څخه یې وغوښتل،  چې کرنې او بڼوالۍ ته پراختیا ورکړي، تر څو خپل او د هېواد اقتصاد جوړ کړي.

خبرهای تازه

چهارشنبه ۱۴۰۴/۸/۷ - ۱۵:۴۴
Background image

برگزاری ورکشاپ ظرفیت‌سازی برای دهقانان ولسوالی پسابند ولایت غور

۷ عقرب ۱۴۰۴ هـ.ش
۷ جُمَادَى الأول ۱۴۴۷ هـ.ق
ریاست زراعت، آبیاری و مالداری ولایت غور ورکشاپ آموزشی ظرفیت‌سازی را برای یک‌صد تن از دهقانان و باشندگان روستای مرزا‌قل ولسوالی پسابند پیرامون. . .

چهارشنبه ۱۴۰۴/۸/۷ - ۱۵:۳۹
Background image

در دو ولسوالی کندهار برای صدها دهقان تخم اصلاح‌شده گندم و کود کیمیاوی توزیع شد

۷ عقرب ۱۴۰۴ هـ.ش
۷ جُمَادَى الأول ۱۴۴۷ هـ.ق
به‌کوشش ریاست زراعت، آبیاری و مالداری ولایت کندهار و با حمایت مالی دفتر مبارزه با جرایم و مواد مخدر سازمان ملل متحد (UNODC) و همکاری تخنیکی. . .

چهارشنبه ۱۴۰۴/۸/۷ - ۱۴:۲۹
Background image

آتش‌سوزی در جنگل گډیاله ولسوالی دولت‌شاه لغمان مهار شد

۷ عقرب ۱۴۰۴ هـ.ش
۷ جُمَادَى الأول ۱۴۴۷ هـ.ق
هیأتی مشترک به ریاست مولوی عبدالستار محمد رئیس زراعت، آبیاری و مالداری ولایت لغمان به‌منظور مهار آتش‌سوزی به جنگل گډیاله ولسوالی دولت‌شاه سفر. . .

بازگشت به خبرها