خوست کې د لندرو د آبریزې پروژه ګټې اخیستنې ته وسپارل شوه

content_admin
چهارشنبه ۱۳۹۹/۱۲/۶ - ۱۳:۲۴
خوست کې د لندرو د آبریزې پروژه ګټې اخیستنې ته وسپارل شوه

۵ کب ۱۳۹۹
د خوست د کرنې، اوبولګولو او مالدارۍ ریاست وایي، چې ددې ولایت د علیشېرو ولسوالۍ د لندرو د آبریزې د پروژې چارې بشپړ او ګټې اخیستنې ته وسپارل شوه.
په دې اړه جوړه شوې غونډه کې د خوست مرستیال والي عبدالواحد پټان، د خوست د کرنې رییس انجنیر حفیظ الله شانوري او ددې ولایت یوشمېر نور سیمه ییزو چارواکو ګډون درلود.
په غونډه کې د خوست مرستیال والي، عبدالواحد پټان ددې ولایت د کرنې ریاست کړنې او فعالیتونه وستایل او زیاته یې کړه، چې د اوبو مهارول د دوی لومړتوب دی، او د خوست ولایت مقام به په راتلونکې کې هڅه کوي، چې د اوبو د مهار په موخه نورې پراختیایي پروژې منظورې کړي.
په همدې حال کې د خوست د کرنې رییس انجنیر حفیظ الله شانوري وویل یاد پروژه، چې د خوست ولایت د علیشېرو په ولسوالۍ کې پلي شوې ده ۱۰۸ هکټاره سیمه تر پوښښ لاندې راوستي دي او یوزر او ۲۰۰ کورنۍ په نېغه ترې ګټه پورته کوي.
د خوست دکرنې رییس وویل، چې په دې پروژه کې په ټولیزه توګه پنځه زره او ۵۰۶ ترینچونه کېندل شوي او ۷۵ چک ډمونه جوړې شوي دي، همداراز د شپږ زره لیټره په وړتیا سره د اوبو زېرمه په پاخه او اساسي ډول رغول شوي، چې د اوبو سیسټم کې یې د پنځه زره او ۳۱۲ مترو په اږدوالی پایپ او ۲۹ نلکې لګېدلي دي، ۴۲ دانې ۴۰۰ واټه لمریزې تختې، چې تر ۱۳۰ متره لوړوالي او ۶۲۰ متره افقي سطحه کې د دوه انچه اوبو د پورته کولو وړتیا لري هم ددې پروژې اړونده کړنې دي.
د حفیظ الله شانوري په ټکو ددې پروژې په سیمه کې زرګونه نیالګي چې په کې د چهارمغزو، بادامو، زردالو، انارو، املوکو، لاچي او د زیتونو نیالګي شامل دي هم اېښودل شوي دي. او ترڅنګ یې د یادې پروژې په سیمه کې د زیرې، رشقې، اتریفلکس او د شاخلو د کرکېلي په پار سلګونه کیلو ګرامه تخمونه هم برابرې شوي دي.
دغه راز د آبریزې په سیمه کې د مېوه لرونکو او بې مېوې نیالګیو د تولید په پار د مېوه لرونکو او بې مېوې ۳۰۰ کیلو ګرامه تخمونه چمتو شو دي، د نیالګیو د خړوبولو په پار د اوبو زېرمه په پاخه اواساسي ډول رغول شوي، په نیم جریبه ځمکه کې د مېوه لرونکو او بې مېوې نیالګیو قریه جوړه شوې ده، چې هرکال به ترې د اړتیا وړ نیالګي سیمې ته ولېږل شي، د آبریزې د اړوندو کلیو په کچه د ځنګلولۍ ټولنه جوړول او د لومړنیو صحي مرستو کېټ برابرول او د طبیعي سرچینو د ټولنۍ غړو او له آبریزې څخه برخمنو کسانو ته روزنه ورکول هغه چارې دي، چې ددې پروژې په ترڅ کې تر سره شوي دي.
باید وویل شي، چې ددې پروژې ټولیز لګښت ۸۲ زره او ۶۸۰ امریکايي ډالره ده، چې په پلي کېدو سره یې درې زره او ۷۰۰ کاري ورځې هم ایجادې شوي دي.

خبرهای تازه

پنجشنبه ۱۴۰۴/۶/۶ - ۱۲:۲۲
Background image

در پکتیا صندوق وجهی انکشاف  زراعتی افتتاح شد

۶ سنبله ۱۴۰۴ هـ.ش
۴ ربیع‌الاول ۱۴۴۷ هـ.ق
در راستای تلاش‌های وزارت زراعت، آبیاری و مالداری، صندوق وجهی انکشاف زراعتی  «ADF» در ولایت پکتیا افتتاح شد تا دهاقین و تجار محصولات زراعتی از. . .

پنجشنبه ۱۴۰۴/۶/۶ - ۱۱:۲۷
Background image

در لغمان برای  ۷۰ تن از  دهاقین وسایل زراعتی توزیع شد

۶ سنبله ۱۴۰۴ هـ.ش
۴ ربیع‌الاول ۱۴۴۷ هـ.ق
از سوی ریاست زراعت، آبیاری و مالداری لغمان و با استفاده از بودجه توسعه‌ای وزارت زراعت، به ۷۰ تن از دهاقین وسایل زراعتی، کودهای کیمیاوی و کمک. . .

پنجشنبه ۱۴۰۴/۶/۶ - ۱۱:۱۸
Background image

در پکتیا یک سردخانه به ارزش ده میلیون افغانی افتتاح شد

۶ سنبله ۱۴۰۴ هـ.ش
۴ ربیع‌الاول ۱۴۴۷ هـ.ق
با تلاش‌های وزارت زراعت، آبیاری و مالداری و حمایت مالی اداره انسجام کمک های کشور ترکیه  (تیکا)، یک سردخانه استاندارد و کم‌مصرف انرژی به ارزش. . .

بازگشت به خبرها