دغنمو حاصلاتو زیاتوالي په پار هلې ځلې غزني کې پر لس زره او ۴۵۰ بزګرانو د غنمو اصلاح شوي تخمونه وېشل شوې

content_admin
پنجشنبه ۱۳۹۹/۱۰/۱۸ - ۱۷:۳۶
دغنمو حاصلاتو زیاتوالي په پار هلې ځلې غزني کې پر لس زره او ۴۵۰ بزګرانو د غنمو اصلاح شوي تخمونه وېشل شوې

۱۸مرغومې ۱۳۹۹
د کرنې، اوبولګولو او مالدارۍ وزارت هلې ځلې کوي، چې هېواد د غنمو د تولید له پلوه پرځان بسیا کړي. په همدې موخه په دې وروستیوکلونو کې دهېواد په کچه پر یوشمېر بزګرانو د غنمو اصلاح شوي تخمونه وېشل کیږي، ترڅو له یوې خوا د غنمو د حاصلاتو کچه لوړ شي او له بلې خوا د بزګرانو اقتصادي ودې ته زمینه برابره شي.
پر بزګرانو د اصلاح شویو تخمونو د هلو ځلو په دوام سږکال هم دهېواد په کچه پر ۲۸۰ زره بزګرانو دغنمو ۱۴ زره اصلاح شوي تخمونه وېشل کيږي. له دې ډلې د غزني ولایت پر لس زره او ۴۵۰ بزګرانو د غنمو ۵۲۲ ټنه اصلاح شوي تخمونه وېشل شوي.
د غزني ولایت د کرنې، اوبولګولو او مالدارۍ سرپرست رییس عبدالولي کوچي وایې، په غزني ولایت کې د غنمو د حاصلاتو د زیاتوالي او د بزګرانو د اقتصادي ودې په موخه سږکال د غزني ولایت په ټولو ولسوالیو کې پر لس زره او ۴۵۰ بزګرانو د غنمو ۵۲۲ ټنه اصلاح شوي تخمونه ووېشل شول. د کوچي په خبره ددې ولایت په ټولو ولسوالیو کې د غنمو اصلاح شوي تخمونه وېشل شوي او یوازې دمالستان په ولسوالۍ کې، چې ونډه یې ۲۹.۲ ټنه د سړه هوا له وجې نه دی وېشل شوي.
له دغو تخمونو برخمن شوي بزګران خوښ دي او د کرنې له وزارت څخه مننه کوي، چې د دوی د حاصلاتو زیاتوالي او ملاتړ په پار پردوی د غنمو اصلاح شوي تخمونه وېشي.د غزني ولایت د مرکز سفندي د کلي یوتن بزګرعبدالحلیم وایي، زه له ډېرو کلونو راهېسې د غنمو کرکېله کوم خو پدې وروستیو کلونوکې، چې کوم اصلاح شوې تخمونه د کرنې، اوبولګولو او مالدارۍ وزارت لخوا د بزګرانو په واک کې ورکول کیږي ښه پایله یې ورکړي دي. عبدالحلیم زیاته کړه، سږکال ماته د غزنې ولایت د کرنې ریاست له لورې ۵۰ کېلو اصلاح شوی تخم د ۹۰۰ افغانیو په بدل کې راکړ شو، زه ډېر خوښ یم چې بزګرانو ته په وخت اصلاح شوي تخمونه وېشل کیږي او ددې ترڅنګ د کرنې، اوبولګولو او مالدارۍ وزارت څخه غوښته کوم چې بزګرانو ته کیمیاوي سرې او د عصري کرکېلي توکي هم په واک کې ورکړي.
ويل کيږي چې د اصلاح شويو تخمونو وېش، د ترچتر لاندې سيمو دغنمو حاصلات له ۲۰تر۳۰سلنه زياتوي.

خبرهای تازه

شنبه ۱۴۰۴/۶/۱ - ۱۱:۳۴
Background image

سمینار هم‌آهنگی رؤسای مرکزی و ولایتی وزارت زراعت افتتاح شد

۱ سنبله ۱۴۰۴ 
سمینار سه‌روزه هم‌آهنگی رؤسای مرکزی و ولایتی وزارت زراعت، آبیاری و مالداری در تالار پامیر این وزارت با حضور مولوی عطاءالله عمری وزیر ،ملا آغاجان آخند  “حاجی‌سالم” معین. . .

شنبه ۱۴۰۴/۶/۱ - ۱۱:۲۳
Background image

آغاز کار پروژه اعمار چکدم در ولسوالی خیبر فاریاب

۱ سنبله ۱۴۰۴ هـ.ش
کار اعمار پروژه مهم چکدم در قریه ده‌سبز ولسوالی جدیدالتشکیل خیبر ولایت فاریاب از بودجه انکشافی وزارت زراعت به هزینه 865 هزار افغانی به‌گونه رسمی آغاز شد. 
این پروژه. . .

شنبه ۱۴۰۴/۶/۱ - ۱۰:۳۰
Background image

در پکتیکا پروژه مدیریت حوزه‌های آبی آغاز شد

۱ سنبله ۱۴۰۴ هـ.ش
۲۹ صفرالمظفر ۱۴۴۷ هـ.ق
ریاست زراعت، آبیاری و مالداری ولایت پکتیکا اعلام کرد که به‌منظور بهبود معیشت جوامع آسیب‌دیده و کاهش میزان آسیب‌پذیری، کارهای عملی پروژه «مدیریت. . .

بازگشت به خبرها