زابل کې د کرنیزو محصولاتو مدیریت د ۲۰۲ پروژو چارې ۳۰ سلنه بشپړ شوې

mail-admin
دوشنبه ۱۳۹۹/۶/۳ - ۱۵:۵۸
زابل کې د کرنیزو محصولاتو مدیریت د ۲۰۲ پروژو چارې ۳۰ سلنه بشپړ شوې
 
۳ وږی ۱۳۹۹
د زابل د کرنې، اوبولګولو او مالدارۍ رایست وایي، په دې ولایت کې د کرنیزو محصولاتو مدیریت د پروژې په اډانه کې، چې د ۲۰۲پروژو چارې پیل شوې وې، ۳۰ سلنه بشپړ شوي دي، چې په پلي کېدو سره یې لسګونو کسانو ته د کار زمینه برابره شوې ده.
د زابل ولایت دکرنې چارسمبال رییس صفت الله نبي زاده وویل، چې دغه پروژې د زابل ولایت په مرکز کلات، او ددې ولایت په شاجوی او شهرصفا ولسوالیو کې پلي کیږي.
ښاغلی نبي زاده وویل: «زابل کې دکرنیزو محصولاتو مدیریت د پروژې په اډانه کې په ټولیزه توګه ۲۰۲ پروژې د پلي کېدو په حال کې دي، چې له دې ډلې ۲۰۰ یې ممیزخونې او دوه نور یې د مڼو لپاره سارک سړې خونې دي، چې ددغو پروژو رغنیزې چارې ۳۰ سلنه بشپړ شوي او پاتې چارې به یې هم ډېر ژر بشپړ او ګټې اخیستنې ته به وسپارل شي.»
د زابل د کرنې ریاست چارسمبال وویل: «زابل کې د کرنیزو محصولاتو مدیریت د پروژې پلي کېدل ددې ترڅنګ چې د زابل د بزګرانو او بڼوالو کرنیز توکي خوندي ساتي، ددې ولایت د کروندګرو او بڼوالو ستونزې راکموي، د عوایدو کچه یې زیاتوي او ترڅنګ یې لسګونو کسانو ته د کار زمینه برابروي.»
په همدې حال کې د زابل ولایت هغه بزګران، چې دکرنې وزارت له خوا ورته سړې خونې او ممیزخونې جوړیږي، د کرنې وزارت له خوا ددغو سړوخونو او ممیزخونو د جوړېدو هرکلۍ کوي او هیله مند دي، چې ددغو پروژو په جوړېدو سره کروندګر د مناسبو سړوخونو او ممیزخونو خاوندان شي او د دوی د حاصلاتو د خوڅاکېدو او مالي زیانونو مخه ونیول شي.
د زابل ولایت دمرکز کلات یو تن بزګر شاه جهان وایي: «د کرنې وزارت له خوا د کرنیزو محصولاتو مدیریت د پروژې پلي کېدل کولای شي، چې د زابل ولایت د انګورو بڼوالو انګور په خپلو سیمو کې خوندي او د خوڅاکېدو مخه یې ونیسي.» شاه جهان زیاته کړه: «زه د انګورو دوه نیم زره تاکونه لرم او دکرنې وزارت له خوا نوي او عصري ممیزخونو جوړلو ته ځکه خوښ یم، چې د نوي او عصري ممیزخونو په درلودو سره به زما د انګورو محصولات په ښه کیفیت سره په ممیزو بدل شي او دا زمینه به راته برابره شي، چې خپل ممیز په ښه بیه وپلورم.» شاه جهان د کرنې وزارت پر مشرتابه غږ وکړ، چې د زابل ولایت کرنې او مالدارۍ ته لا ډېره پاملرنه وکړي، ځکه د هغه په خبره زابل یو محروم ولایت دی او د کرنې وزارت مرستې او همکارۍ ددې ولایت د بزګرانو او بڼوالو د عوایدو په زیاتولو کې رغنده رول لري.
د کرنې، اوبولګولو او مالدارۍ وزارت د کرنیزو محصولاتو مدیریت د پروژې په اډانه کې د زابل په ولایت کې ۲۰۲ پروژې پلي کوي، چې رغنیزې چارې یې روانې دي او ډېر ژر به ګټې اخیستنې ته وسپارل شي.

خبرهای تازه

سه‌شنبه ۱۴۰۴/۷/۱۵ - ۱۴:۲۸
Background image

آغاز کمپاین واکسین انتروتوکسیمیا در ولایت فاریاب

۱۵ میزان ۱۴۰۴ هـ.ش
کمپاین واکسیناسیون بیماری انتروتوکسیمیا در ولایت فاریاب به گونه رسمی آغاز شد. این برنامه با همکاری دفتر کمیته هالند (DCA) و در هماهنگی نزدیک با آمریت مالداری و صحت. . .

سه‌شنبه ۱۴۰۴/۷/۱۵ - ۱۴:۶
Background image

آغاز کمپاین پیشگیری از تب گانگو در ولایت خوست

۱۵ تله ۱۴۰۴ هـ.ش
۱۴ رَبِیعُ الْثاني ۱۴۴۷ هـ.ق
ریاست زراعت، آبیاری و مالداری ولایت خوست کمپاین پیشگیری از بیماری تب گانگو را به صورت رسمی آغاز کرد.
این کمپاین با حمایت مالی بودجه توسعه. . .

سه‌شنبه ۱۴۰۴/۷/۱۵ - ۱۴:۳
Background image

آغاز توزیع تخم بذری گندم و کود کیمیاوی در ولسوالی درایم بدخشان

۱۵ میزان ۱۴۰۴ هـ.ش
به هدف بهبود حاصلات گندم و تأمین امنیت غذایی، کمپاین کشت خزانی گندم در ولسوالی درایم ولایت بدخشان آغاز گردید. این برنامه از سوی ریاست زراعت، آبیاری و مالداری بدخشان. . .

بازگشت به خبرها