کندهار کې د نیالګیو کېنولو ملي ورځ ولمانځل شوه
![کندهار کې د نیالګیو کېنولو ملي ورځ ولمانځل شوه](https://www.mail.gov.af/sites/default/files/2020-03/84276472_3107842955906950_6118417819253080064_n.jpg)
۲۱ کب ۱۳۹۸
د هېواد د یوشمېر نورو ولایتونو په شان په کندهار کې هم د کب شلمه د نیالګیو کېنولو ملي ورځ د نیالکیو په کېنولو او د کمپاین په پیل سره ولمانځل شوه.
دغه کمپاین د کندهار ولایت والي، د کرنې، اوبولګولو او مالدارۍ رییس، سیمه ییزو چارواکو، د مدني ټولنو غړو، قومي مشرانو، بزګرانو او د کندهار د یوشمېر اوسیدونکو په شتون کې پیل شو.
دکندهار د کرنې، اوبولګولو او مالدارۍ ریاست وایي، چې ددې کمپاین په ترڅ کې به په کندهار ولایت کې ۲۵۲زره مېوه لرونکي او بې مېوې نیالګي کېنول شي.
د کندهار د کرنې ریاست ددې ولایت له خلکو غواړي، چې په دې کمپاین کې ونډه واخلي او د ونو او نیالګیو ساتنې او څارنې ته ځانګړې پاملرنه وکړي.