ښاغلی غفوري دغه راز وویل، چې د هسکې مینې د درو سربندونو د سروې چارې بشپړ شوي دي او ډېر ژر به یې پاټې چارې هم بشپړ او عملاً به یې د جوړېدو چارې پیل شي، چې پرمټ به یې زرګونه جریبه ځمکه خوړوبه او د کروندګرو د اوبو ستونزه به ورسره حل شي.

د کرنې وزارت د اوبولګولو او طبیعي سرچینو مرستیال وویل، چې ددې وزارت له خوا د شینوارو په ولسوالیو کې د کرنې، اوبولګولو او مالدارۍ په برخه کې د ۶۰ میلیونه افغانیو په ارزښت بېلابېلې پروژې پلي کیږي، چې ورسره به د یادو ولسوالیو د اوسیدونکو په ژوند کې مثبت بدلون راشي.

ښاغلی غفوري د ننګرهار د کرنې سرپرست رییس ته دنده وسپارله چې د دوو اونیو په ترڅ کې د یادو ولسوالیو ستونزې په رسمي ډول د وزارت له مقام سره شریکې کړي، چې د پلان له مخې ورته رسېدنه ووشي.

حشمت الله غفوري د شینوارو ولسونو ته ډاډ ورکړ چې د کرنې وزارت له خوا د کرنیزو چارو د ښه کولو او د شته ستونزو د حل په برخه کې له دوی سره لازمې همکارۍ کیږي.