د لغمان قرغه یې کې ۲۰۰ بڼوالو سره مرسته وشوه
۲۵ مرغومې ۱۴۰۲ه.ش
۳ رَجَب المُرَجَّب ۱۴۴۵ ه.ق
د لغمان دکرنې، اوبولګولو او مالدارۍ ریاست د ملګروملتونو د خوړو او کرنې ادارې په همکارۍ ددې ولایت د قرغه یې ولسوالی ۲۰۰ بڼوالو سره د بڼونو د چارو دښه پرمخ بېولو په پار د اړینو توکو مرسته وکړه.
ددې مرستې په لړ کې پر یادو بڼوالو د ښاخ برۍ قیچې، اره او د درمل شیندلو پمپ وېشل شوي دي.
یادو بڼوالو ته د لغمان دکرنې ریاست او پلي کوونکې پروژې د ټولنیزو کارکوونکو له خوا د لیمو بڼونه جوړ شوي دي، چې په ۱۳ ګروپونو کې تر تنظیم وروسته د یادې پروژې له لارې ورته وخت پر وخت د کارونو د ښه پرمخه بیولو لپاره تخنیکي سلا او مشورې هم ورکول کېږي.
