دکرنې وزارت: کورنیو چارو وزارت ته د ۳۶۷۵ متر مربع ځمکې د لېږد تړون لاسلیک شو
۱۲ مرغومې ۱۴۰۲ه.ش
۲۰ جُمَادَى الثاني ۱۴۴۵ ه.ق
د کرنې، اوبولګولو او مالدارۍ وزارت د ځمکو چارو لوی ریاست چارواکي وایي، چې د عالیقدر امیرالمؤمنین حفظه الله د ۶۳ ګنې فرمان له مخې د ځمکو چارو عمومي ریاست لخوا د کورنیو چارو وزارت ته د ۳۶۷۵ متر مربع ځمکې د لېږد تړون لاسلیک شو.
په دې ناسته کې چې د ځمکو لوی رياست په مقام کې جوړه شوې وه د ځمکو ادارې لوی رییس مولوي محمود مظلوم، د ځمکو د انتقال او وېش رییس مولوي سید محمد سعید او د کورنیو چارو وزارت د املاکو عمومي مدير سمونوال مولوي ذاکر الله ذاکر ګډون کړی وو.
د یادې ځمکې لېږد د کندهار ولایت د امنیه قومندانۍ د ۱۲۱ ګڼې د ۱/۲/۱۴۴۵ نیټې په وړاندیز او د عالیقدر امیرالمومنین حفظه الله د ۳۲۳ ګنې د ۴/۶/۱۴۴۵ نیټې د حکم پر بنسټ شوی دی.
د کرنې وزارت د ځمکو لوی ریاست لخوا د کورنیو چارو وزارت ته د کندهار ولایت په اوومه ناحیه کې د اور وژنې د مرکز د جوړولو په موخه د ۳۶۵۷ متر مربع ځمکې د انتقال د پروتوکول تړون د اراضۍ ادارې لوی رییس مولوي محمود مظلوم، د کورنيو چارو وزارت د املاکو عمومي مدير سمونوال مولوي ذاکر الله ذاکر او د اراضۍ ادارې د ځمکو د انتقال او وېش رییس مولوي سيد محمد سعيد تر منځ لاسليک شو.
