اروزګان کې لسګونه بڼوال وروزل شول
٢۹ لیندۍ ۱۴۰۲ه.ش
۷ جُمَادَى الثاني ۱۴۴۵ ه.ق
د اروزګان دکرنې، اوبولګولو او مالدارۍ ریاست د کوارا مؤسسې په همکارۍ ددې ولایت په مرکز ترینکوټ، خاص اروزګان، چورې او دهراود ولسوالیو کې لسګونه بڼوال روزل شوي دي.
د اروزګان دکرنې ریاست د چارواکو په خبره په دغو روزنیزو برنامو کې د اروزګان د مرکز ترینکوټ ۹۲ بڼوالو، د خاص اروزګان ۹۳، د چورې ولسوالی ۹۴ او د دهراود ولسوالی ۹۴ بڼوال روزل شوي دي.
ددې روزنیزو پروګرامونو په ترڅ کې بڼوالو ته د عصري بڼوالۍ په هکله د روزنې ترڅنګ د دوی د اقتصادي ودې په پار پر دوی نغدې پیسې هم وېشل شوي دي.
ددې پروګرام د پلي کولو موخه د بڼوالو وړتیاوې لوړول او په ټوله کې ددې ولایت د بڼوالۍ ودې او پراختیا ته زمینه برابرول دي.
