د کرنې او سوداګرۍ وزارت ترمنځ د هلمند ولایت د صنعتي پارک په موخه د ځمکې د لېږد تړون لاسلیک شو
د کرنې، اوبولګولو او مالدارۍ وزارت او د صنعت او سوداګرۍ وزارتونو ترمنځ د هلمند ولایت د صنعتي پارک د جوړولو په موخه د ځمکې د لېږد په موخه تړون لاسلیک شو.
په دغه غونډه کې چې د کرنې، اوبولګولو او مالدارۍ وزارت د ځمکو ریاست په مقام کې جوړه شوه، ملا عبدالرحمن رحماني د ځمکو چارو رياست لوی رییس، مولوي سید محمد نعیم محمدي د صنعت او سوداګرۍ وزارت د صنعتي پارکونو او صنعتي چارو لوی رییس او د دواړو ادارو د مختلفو څانګو یو شمېر مسوولين او چارواکو هم برخه اخیستې وه.
د دغه تړون لاسلیک د کرنې، اوبولګولو او مالدارۍ وزارت د ځمکو چارو ریاست مشر ملا عبدالرحمن رحماني او د صنعت او سوداګرۍ وزارت د صنعتي پارکونو او صنعتي چارو لوی رییس مولوي سید محمد نعیم محمدي ترمنځ د ١٥٩ جریبه ځمکې انتقال، د هلمند ولایت د لښکرگاه ښار د صنعتي پارک د جوړولو په موخه ترسره شو.
د يادونې وړ ده، چې ياده ځمکه د عالیقدر امیر المؤمنین حفظه الله د ۵/۱/۱۴۴۵ نیټې د ( ۷۷ ) ګنې فرمان له مخې د کرنې، اوبولګولو او مالدارۍ وزارت د ځمکو ریاست له خوا د صنعت او سوداګرۍ وزارت ته انتقال شوی دی.
