هلمند کې د نباتي ناروغیو د تشخیص مرکز به ډېر ژر ګټې اخیستنې ته وسپارل شي

۲۱ سلواغه ۱۳۹۸
د کرنې، اوبولګولو او مالدارۍ وزارت له خوا د هلمند ولایت بڼوالو او بزګرانو ته د اسانتیاوو برابرولو په پار د نباتي ناروغیو د تشخیص د ودانۍ جوړولو چارې پیل شوې وې، چې اوس د بشپړېدو په درشل کې ده او ډېر ژر به ګټې اخیستنې ته وسپارل شي.
د هلمند دکرنې رییس زلمي الکو وویل، دا لومړی ځل ده، چې هلمند کې د نباتي ناروغیو او افتونو د تشخیص او وقایې مرکز جوړیږي. د ښاغلي الکو په خبره په دې مرکز کې د بزګرو او بڼوالو په کروندو کې د شته ناروغیو پلټنې ترسره کیږي او د وقایې په موخه به د کرنې د برخې متخصصینو له خوا پروخت د بېلابېلو نباتي ناروغیو مخه به هم ونیول شي.
د نباتي ناروغیو او افتونو د دشخیص یاد مرکز، چې دکرنې وزارت د پراختیایي بودیجې له لارې جوړه شوې ده پاتې چارې به یې هم ډېر ژر بشپړ او ګټې اخیستنې ته به وسپارل شي.
دغه مرکز به د هلمند ولایت د بڼوالو او بزګرانو په کروندو او بڼونو کې د ناروغیو او افتونو د تشخیص، کنټرول او مخنیوی په پار وکارول شي.