د هلمند ولایت کرنې رییس د باباجي سړک د نیالګي ایښودلو چارې وارزولې
۱۹ کب ۱۴۰۳ه.ش
۹ رَمَضانُ المُبارَک ۱۴۴۶ه.ق
د هلمند ولایت کرنې، اوبولګولو او مالدارۍ رییس الحاج مولوي نیازمحمد وهاج د باباجي پر نوي رغول شوي سړک د نیالګي ایښودلو چارې له نږدې وارزولي. په دې ارزونه کې د طبیعي سرچینو آمر قاري مولوي دین محمد مغفور او ځیني نور مسؤلین هم ورسره ملګري وو.
کرنې رئیس مسؤلینو ته سپارښتنه وکړه، چې د نیالګي ایښودلو لړۍ د متخصصینو او مسوولو انجنیرانو په همغږۍ ترسره کړي، څو د سړک پر مسیر روان کارونه له خنډ سره مخ نه شي.
د طبیعي سرچینو آمر کرنې رئیس ته ډاډ ورکړ، چې دا چارې به د کرنیزو اصولو مطابق او د مسوولو انجنیرانو په همکارۍ ترسره شي.
د هلمند کرنې ریاست د خپل پلان له مخې د ۱۴۰۴ لمریز کال لپاره د مرکز لښکرګاه او ولسوالیو په کچه د ۱۸۰ زره بېلابېلو نیالګیو د کښېنولو لړۍ پیل کړې، چې عملاً یې کارونه روان دي.
