کندهار کې د غوښینو چرګانو روزنې ۵۰ فارمونه جوړیږي

content_admin
چهارشنبه ۱۳۹۸/۶/۲۰ - ۱۵:۵۴
کندهار کې د غوښینو چرګانو روزنې ۵۰ فارمونه جوړیږي

۲۰ وږی ۱۳۹۸
د کرنې، اوبولګولو او مالدارۍ وزارت د بڼوالۍ او مالدارۍ ملي برنامې «NHLP» له خوا د کندهار ولایت په مرکز او ژېړۍ ولسوالۍ کې بېوزلو کورنیو لپاره د غوښینو چرګانو روزنې ۵۰ فارمونه جوړیږي، چې ددغو فارمونو د جوړولو په پار پر اړوندو کورنیو د فارمونو جوړولو اړونده توکو د وېش لړۍ پیل شو.

دغه فارمونه چې هر یوه یې د ۵۰۰ غوښینو چرګانو د روزنې وړتیا لري د کندهار ولایت په مرکز او ددې ولایت په ژېړۍ ولسوالۍ کې جوړیږي.

د کندهار د کرنې، اوبولګولو او مالدارۍ ریاست وویل، چې ددغو فارمونو د جوړولو لړۍ د کندهار له مرکز څخه پیل شوې، چې په ترڅ کې به یې د غوښینو چرګانو ۵۰ کورني فارمونه جوړ شي. ددغو فارمونو د جوړولو ترڅنګ له دې برنامې څخه پر برخمن شوي کورنیو دچرګانو باکیفیته خوراکي توکي، چرګانو ته د دانې او اوبو ورکولو لوښې او همداراز یوه اندازه درمل او واکسین هم وېشل کیږي.
د کندهار د کرنې ریاست زیاته کړه، چې له دې برنامې څخه برخمن شوي کورنیو لپاره د چرګانو د روزنې په برخه کې روزنیز پروګرامونه هم په پآم کې نیول شوي دي.
ددغو فارمونو د جوړولو موخه د بېوزلو کورنیو اقتصادي وده او ملاتړ او په کور دننه مېرمنو ته د کار زمینې برابرول او ترڅنګ یې له بهره د غوښینو چرګانو د وارداتو کچه ټېټول دي.
باید وویل شي، چې افغانستان د چرګانو غوښې د تولید په برخه کې ځان بساینې ته نږدې شوې او ټاکل شوې ده، چې روان کال د چرګانو د غوښو د تولید
۷۰ فارمونه جوړ شي، چې تر ډېره د چرګانو د غوښو په برخه کې د افغانستان اړتیا پوره کوی او افغانستان په دې برخه کې پرځان بسیا کیږي.

تازه ترین اخبار

یکشنبه ۱۳۹۸/۱۰/۲۹ - ۱۱:۳۵
Background image

افزایش بی‌پیشینه حاصل سبزیجات

ریاست احصاییه وزارت زراعت، آبیاری و مالداری خبر می‌دهد که حاصلات سبزیجات کشور در سال 1398  افزایش قابل ملاحظه‌ای دارد. نظر به این آمار، 10 قلم عمده سبزیجات کشور را در این گزارش و تفاوت. . .

یکشنبه ۱۳۹۸/۱۰/۲۹ - ۱۰:۲۵
Background image

صد تن در بخش شیوه‌های موثر باغداری در بلخ آموزش دیدند

۲۸ جدی ۱۳۹۸
وزارت زراعت، آبیاری و مالداری از طریق برنامه‌ ملی باغداری و مالداری خود، نزدیک به صد تن از کارمندان بخش ترویج شامل زنان و مردان را در ولایت بلخ در زمینه‌ ترویج موثر باغداری،. . .

شنبه ۱۳۹۸/۱۰/۲۸ - ۱۵:۱۵
Background image

ملاقات وزیر زراعت با والی پنجشیر درباره‌ی توسعه‌ی زراعت پنجشیر

۲۹ جدی ۱۳۹۸
نصیراحمد درانی وزیر زراعت، آبیاری و مالداری در دفتر کارش با کمال‌الدین نظامی والی ولایت پنجشیر ملاقات کرد.
والی پنجشیر در این ملاقات گفت که اگر توت در پنجشیر به صورت زنجیره. . .

BACK TO NEWS