کندهار کې د غوښینو چرګانو روزنې ۵۰ فارمونه جوړیږي

content_admin
چهارشنبه ۱۳۹۸/۶/۲۰ - ۱۵:۵۴
کندهار کې د غوښینو چرګانو روزنې ۵۰ فارمونه جوړیږي

۲۰ وږی ۱۳۹۸
د کرنې، اوبولګولو او مالدارۍ وزارت د بڼوالۍ او مالدارۍ ملي برنامې «NHLP» له خوا د کندهار ولایت په مرکز او ژېړۍ ولسوالۍ کې بېوزلو کورنیو لپاره د غوښینو چرګانو روزنې ۵۰ فارمونه جوړیږي، چې ددغو فارمونو د جوړولو په پار پر اړوندو کورنیو د فارمونو جوړولو اړونده توکو د وېش لړۍ پیل شو.

دغه فارمونه چې هر یوه یې د ۵۰۰ غوښینو چرګانو د روزنې وړتیا لري د کندهار ولایت په مرکز او ددې ولایت په ژېړۍ ولسوالۍ کې جوړیږي.

د کندهار د کرنې، اوبولګولو او مالدارۍ ریاست وویل، چې ددغو فارمونو د جوړولو لړۍ د کندهار له مرکز څخه پیل شوې، چې په ترڅ کې به یې د غوښینو چرګانو ۵۰ کورني فارمونه جوړ شي. ددغو فارمونو د جوړولو ترڅنګ له دې برنامې څخه پر برخمن شوي کورنیو دچرګانو باکیفیته خوراکي توکي، چرګانو ته د دانې او اوبو ورکولو لوښې او همداراز یوه اندازه درمل او واکسین هم وېشل کیږي.
د کندهار د کرنې ریاست زیاته کړه، چې له دې برنامې څخه برخمن شوي کورنیو لپاره د چرګانو د روزنې په برخه کې روزنیز پروګرامونه هم په پآم کې نیول شوي دي.
ددغو فارمونو د جوړولو موخه د بېوزلو کورنیو اقتصادي وده او ملاتړ او په کور دننه مېرمنو ته د کار زمینې برابرول او ترڅنګ یې له بهره د غوښینو چرګانو د وارداتو کچه ټېټول دي.
باید وویل شي، چې افغانستان د چرګانو غوښې د تولید په برخه کې ځان بساینې ته نږدې شوې او ټاکل شوې ده، چې روان کال د چرګانو د غوښو د تولید
۷۰ فارمونه جوړ شي، چې تر ډېره د چرګانو د غوښو په برخه کې د افغانستان اړتیا پوره کوی او افغانستان په دې برخه کې پرځان بسیا کیږي.

تازه ترین اخبار

پنجشنبه ۱۴۰۳/۱/۹ - ۱۳:۳۴
Background image

هلمند کې د پستې نیالګیو تولید په پارهڅې، د پستې زرګونه نیالګي تولیدېږي

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د هلمند ولایت د کرنې، اوبولګولو او مالدارۍ ریاست لخوا، د طبیعي سرچینو آمریت اړوند د مرکز لښکرګاه د بولان د نیالګیو روزنځای کې د پستې   پنځه. . .

پنجشنبه ۱۴۰۳/۱/۹ - ۱۳:۲
Background image

ننګرهار کې  ۷۲ زره څارویو ته د چنجیو ضد درمل  او واکسینونو د تطبیق چارې پیل شوې 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې له لورې د ننګرهار ولایت په ۱۳ ولسوالیو کې څارویو ته د. . .

پنجشنبه ۱۴۰۳/۱/۹ - ۱۳:۱
Background image

ننګرهار کې پر زرګونو مالدارانو د څارویو خوراکي توکي وېشل کېږي 

۹ وری ۱۴۰۳ه‍.ش
۱۸ رَمَضانُ المُبارَک ۱۴۴۵ه‍.ق
د ننګرهار دکرنې، اوبولګولو او مالدارۍ رییس مولوی عبدالستار محمد د اکشن اېډ مؤسسې او هلال هډ،ا کرنیز شرکت چارواکو سره په کتنه کې د یادو. . .

بازگشت