هلمند کې د مالدارۍ او حیواني روغتیا د نوی ودانۍ چارې بشپړ او ګټې اخیستنې ته وسپارل شوه
۲۷ زمری ۱۳۹۸
د کرنې، اوبولګولو او مالدارۍ وزارت له خوا د هلمند ولایت د کرنې ریاست لپاره د مالدارۍ او حیواني روغتیا د نوی ودانۍ د جوړولو چارې بشپړ او ددې ولایت د ټولنیزو چارو مرستیال الحاج بسم الله روحاني، د کرنې رییس زلمی الکو او یوشمېر نورو سیمه ییزو چارواکو په شتون کې نن رسماً ګټې اخیستنې ته وسپارل شوه.
د هلمند ولایت د کرنې، اوبولګولو او مالدارۍ ریاست چارواکي وایي، دغه یوه پوړیزه ودانۍ په پاخه او اساسي ډول رغول شوې ده، چې په کې اداري خونې، دغونډو یوتالار او بشپړ دفتري تجهیزات شامل دي.
ددې ودانۍ د جوړولو لګښت د کرنې وزارت له پراختیایي بودیجې څخه ورکړل شوې ده.
د هلمند دکرنې رییس زلمی الکو وویل، چې ددې ودانۍ په جوړېدو سره د هلمند ولایت په کچه د مالدارۍ او حیواني روغتیا په چارو کې کڼ اسانتیاوې رامنځته کیږي او مالداران او کروندګرو ته به په کې د لا اسانتیاوو زمینه برابره شي.
