لغمان کې د سویابینو کرکیلي ترویج په پار هڅې؛ پر ۵۰۰ بزګرو د سویابینو تخمونه او کیمیاوي سرې وېشل شوي

۲۴ غبرګولی ۱۴۰۲ه‍.ش
۲۵ ذو القعدة ۱۴۴۴ ه‍.ق
د لغمان ولایت  د کرنې، اوبولګولو او مالدارۍ ریاست په هلو ځلو، د ارزښت لرونکو نباتاتو د ترویج او تکثیر په موخه ، د «Action Aid»  مؤسسې په مالي همکارۍ، ددې ولایت مرکز مهترلام او قرغیو ولسوالی کې پر ۵۰۰ بزګرانو د سویابینو اصلاح شوي تخمونه او کیمیاوي سرې وېشل شوي دي.
یادو بزګرو ته به د پلان له مخې د سویابینو تخمونه، توره او سپینه سره او همدارنګه د کرنې او روزنې په اړه عامه پوهاوی هم ورکول شي.
د لغمان ولایت د کرنې ریاست هلې ځلي کوي تر څو ددې ولایت بزګرو ته د غیر مشروع نباتاتو پر ځای د نوو ارزښت لرونکو نباتاتو د کرنې او روزنې زمینه برابره کړي تر څو ددوی په کرنیز اقتصاد کې بهبود او نوښت رامنځته شي .
سویابین بشپړه پروتیني او مغذي مواد لري چې د کورنیو د روغتیا ، په ځانګړي ډول د ماشومانو د خوارځواکۍ په مخنیوي کې رغنده رول لري.
د یادونې وړ ده چې سویابین د کورنیو بازارونو ترڅنګ نړیوال بازار هم لري، چې د هلمند د خاورې، اوبو او هوا سره ښه توافق لري.