جلال آباد ښار کې د نباتي درمل پلورنځيوڅارنه وشوه
۷ وری ۱۴۰۲ه.ش
۵ رَمَضانُ المُبارَک ۱۴۴۴ ه.ق
د ننګرهار د کرنې، اوبولګونې او مالدارۍ رياست په لارښوونه د بوټو ساتنې او قرنطین مدیریت متخصصینو لخوا جلال آباد ښار کې د نباتي درمل پلورنځيو څخه کنټرول او نظارت ترسره شوه.
د نظارت پر مهال د ننګرهار دکرنې ریاست د بوټو ساتنې او قرنطین مدیریت متخصصینو درمل پلورنکو ته سپارښتنه وکړه، هغه هټیوال چې د کار جوازونه نه لري او یا يې د جوازونو موده ختمه شوې ده، خپل نوی جوازونه د کرنې ریاست څخه تر لاسه کړي، د سرغړونې په صورت کې بیا د شکایت حق نلري.
دغه راز دوی ته د بې کیفیته درمل پلورولو مخنیوې او په هټۍ کې د مسلکې کس شتون په موخه لازمی سپارښتنې وشوې، او هم یادونه ورته وشوه چې ټول هټیوال مکلف دي چې د نباتی درملو تر څنګ باید د حیوانې درملو پلور څخه ډډه وکړي.
همداراز ټولو وارداتي شرکتونو ته د درملو ثبت او راجستر چارې بشپړ او فورم محموله او د درملو د توريد شرطپاڼه يا اجازه نامې د ترلاسه کولو سپارښتنې هم وشوې.
