ننګرهار کې مالدارانو ته د ښو خدمتونو وړاندې کولو په موخه د همغږۍ غونډه ترسره شوه 

د افغانستان لپاره د هالنډ کمېټې (DCA) له لوري د ننګرهار ولایت د کرنې، اوبولګولو او مالدارۍ ریاست تر چتر لاندې د دی ولایت په دیارلس ولسوالیو ( حصارک، خوکیانې، پچیراګام، هسکه مېنه، شیرزاد، کوټ، اچین، نازیان، دوربابا، شینوار، سرخرود، دره نور، رودات) کې د مالدارۍ سکتور د تقویي په برخه کې پروژې او خپل فعالیتونه پر مخ وړي، د خپلو پروژو او فعالیتونو په ښه شان تطبیق او په کارونو کې د شفافیت په موخه د یادو ولسوالیو د کرنې، عشر زکات مسؤلینو او قومي مشرانو سره د همغږۍ غونډه ترسره کړه. 
د غونډی په پیل کې د کرنې ریاست اړوند د مالدارۍ خدمتونو او څارویو روغتیا امر داکتر محمد ضمیر بهسودي او د افغانستان لپاره د هالنډ کمېټې ولایتي مسؤلینو د پروژو او فعالیتونو په اړه معلومات شریک کړل.
 وروسته  د ولسوالیو د ترویج، عشرزکات مسؤلینو او قومي مشرانو دغه پروژې ګټورې وبللي او په اړه یي خپل نظرونه، وړاندیزونه او غوښتنې د یادې موسسې له مسؤلینو سره شریکې کړی.