غزني کې د نيالګيو اېښودو کمپين په پار نږدې يو ميليون نيالګي چمتو شوي دي

content_admin
پنجشنبه ۱۳۹۹/۱۲/۲۱ - ۸:۱۶
غزني کې د نيالګيو اېښودو کمپين په پار نږدې يو ميليون نيالګي چمتو شوي دي

۲۱ کب ۱۳۹۹
 د ولسمشر د حکم پراساس د کب شلمه په هېواد کې د نيالګيو اېښودو ملي ورځ نومول شوی دی، چې په همدې موخه په مرکز او ولايتونو کې دکب شلمه د نيالګيو په اېښودو او د نيالګيو اېښودو د کمپين په پيل سره نمانځل کېږې. په همدې موخه د غزني په ولایت کې هم  د نیالګيو اېښودو کمپين پیل او په یوه پراخه راټولیدنه کې د غزني ولایت د اسلامي ثقافت په مرکز کې ۴۰۰ نیالګي کېنول شول.
 په همدې موخه جوړه شوې غونډه کې د غزني ولایت والي، د ولایتي شورا رييس او غړو، يوشمېر سيمه ييزو چارواکو،  قومي مشرانو، ځوانانو، زده کوونکو او ښځو ګډون کړي ؤ.
د غزني ولایت والي برید جنرال سید عمر نورستاني د نیالګیو  اېښودو په پیل کې په ولسونو غږ وکړ چې د هېواد په ښېرازۍ، سمسورتیا او زرغونتیا کې برخه واخلي. هغه وويل يو نیالګی د ځان او یو د هېواد د سمسورتیا لپاره کېنوئ، ويې پالۍ، ويې ساتۍ ځکه د نیالګيو کېنول  صدقه يې جاریه ده.
د غزني والي له مدنې ټولنو او ټولو غزني مېشتو وغوښتل، چې په دغه ملي کمپین کې ګډون وکړي او سوداګریزو چارو له مالکانو غوښتنه وکړه،  چې د نیالګیو اېښودو برنامې د تمویل په برخه کې خپله ونډه ادا کړي.
ورپسې د ولایتي شورا ريیس نصیر احمد فقیري، د غزني ولایت ښاروال انجنیر مختار احمد ملکیار، د کرنې ريیس عبدالولي کوچي او د چاپېریال ساتنې ريیس د نیالګیو کېنول دټولو ګډ مسوولیت یاد کړل، د هوا ککړتیا څخه د مخنيوي،  ځان بسیاینې او اقتصاد پیاوړتیا کې د مېوه لرونکو او غیر مېوه لرونکو نیالګیو کېنول اغېزناک و ګنل.
دغزني د کرنې ريیس عبدالولي کوچي وويل، چې سږ کال په غزني ولایت کې نږدې يو ميليون  تصدیق شوي نیالګي شتون لري،  چې د کرنې ریاست له خوا په زیات تخفیف سره بزرګرانو،  بڼوالو او خلکو ته ورکول کېږي.

خبرهای تازه

یکشنبه ۱۴۰۴/۵/۱۲ - ۱۰:۴۷
Background image

توزیع مرغ تخم‌گذار و وسایل مرغ‌پروری برای خانواده‌های بی‌بضاعت در بدخشان

۱۲ اسد ۱۴۰۴ هـ.ش
در ادامه برنامه‌های حمایتی به هدف بهبود وضعیت اقتصادی خانواده‌های نیازمند، ۶۳۰ قطعه مرغ تخم‌گذار همراه با ۲۱۰۰ کیلوگرام خوراکه غنی‌شده و وسایل ساخت مرغانچه برای ۲۱. . .

یکشنبه ۱۴۰۴/۵/۱۲ - ۱۰:۴۷
Background image

توزیع زنبور عسل و وسایل زنبورداری برای ۱۰۰ خانواده بی‌بضاعت در بدخشان

۱۲ اسد ۱۴۰۴ هـ.ش
در ادامه برنامه‌های حمایتی به هدف بهبود وضعیت اقتصادی خانواده‌های نیازمند، ۲۱۵ صندوق زنبور عسل همراه با وسایل کامل زنبورداری برای ۱۰۰ خانواده بی‌بضاعت در ولسوالی‌های. . .

یکشنبه ۱۴۰۴/۵/۱۲ - ۱۰:۴۵
Background image

توزیع وسایل زنبورداری در ولسوالی سیاگرد ولایت پروان

۱۲ اسد ۱۴۰۴ هـ.ش
ریاست زراعت، آبیاری و مالداری ولایت پروان با همکاری مؤسسه Soba، برای ۱۰۰ تن از زنبورداران در پنج قریه‌ی چهلان، دوآب، قلعچه، دهن زاب و جوی دختر، وسایل زنبورداری توزیع. . .

بازگشت به خبرها