د ننګرهار وادي کرنیز شرکت مسلکي بستونو لپاره د تحریري ازموینې بهیر پیل شو
د کار اهل کسانو ته د کار د سپارلو په موخه، د ننګرهار وادي امارتي کرنیز شرکت د مسلکي بستونو لپاره د وړ داوطلبانو څخه د تحریري ازموینې اخیستلو بهیر د یاد شرکت د چارواکو له لوري پیل شو.
دا ازموینه د ننګرهار وادي کرنیز شرکت کې د یوشمېر خالي پوستونو د ګمارنې لپاره اخیستل شوې ده، ترڅو هغه نوماندان چې په بریالیتوب سره ازموینه کې بریالي شي د مسلکي کارکوونکو په توګه خالي پوستونو ته وګمارل شي.
د دې ازموینې په لومړي پړاو کې، ۵۱ تنه ګډون کړی، تر څو د بریالیتوب په صورت کې په ټاکلو بستونو کې دنده ترسره کړي او د خلکو به چوپړتیاوې وړاندې کړي.
