د ننګرهار کرنیز امارتي شرکت مسوولینو د سپین خوړ د رسوباتو پاکولو بهیر وڅاره
۴ وری ۱۴۰۴ ه.ش
۲۴ رَمَضانُ المُبارَک ۱۴۴۶ه.ق
د ننګرهار وادي کرنیز شرکت د درېیم فارم شپږم بلاک اړوند ساحه کې د سپین خوړ د اوبو زیاتوالي او موسمي سېلابونو د تخریباتو د مخنیوي لپاره د رسوباتو پاکولو او محافظوي پولو د تړلو کارونه روان دي.
د دې بهیر د ارزونې په موخه، د درېیم فارم امر مولوي ګل محمد مطمین له ساحې څخه له نږدې لیدنه وکړه، ترڅو د رسوباتو پاکولو، اوبو ته د لارې برابرولو او محافظوي تدابیرو عملي تطبیق وڅاري.
د یاد اقدام په عملي کېدو سره به نه یوازې د سپین خوړ د اوبو بهیر ښه شي، بلکې د محافظوي پولو په تړلو سره به کرنیزې ځمکې د اوبو د زیاتوالي له ګواښ څخه هم خوندي شي.
