زابل کې د نیالګیو اېښودلو کمپاین پرانیستل شو

mail-admin
پنجشنبه ۱۴۰۳/۱۲/۲۳ - ۱۳:۵۸
زابل کې د نیالګیو اېښودلو کمپاین پرانیستل شو

۲۳ کب ۱۴۰۳ه‍.ش
۱۳ رَمَضانُ المُبارَک ۱۴۴۶ه‍.ق
د زابل د کرنې، اوبولګولو او مالدارۍ ریاست له خوا په دې ولاویت کې د نیالګیو اېښودو کمپاین په شاندارو مراسمو سره پیل شو. 
په دغو مراسمو کې د زابل ولایت مرستیال والي مولوی محب الله حماس، د کرنې رییس مولوی عبدالخالق حکیم الله، د کلات ښاروال الحاج قاري رحمت الله مسافر، د رسنیو استازو، بڼوالو او بزګرانو ګډون کړی و.
   د زابل د کرنې، اوبولګولو او مالدارۍ رییس مولوی عبدالخالق حکیم الله  ګډونوالو ته د نوي کال لپاره د نیالګیو کمپاین په اړه ښه راغلاست ووایه او د دوی له ګډون څخه یې مننه وکړه.
مولوی عبدالخالق حکیم الله  د اسلام له نظره د کرنې اهمیت بیان کړاو د نیالګیو اېښودل یې یوه روانه صدقه یاده کړه. هغه زیاته کړه، چې د افغانستان د کرنې وزارت هڅه کوي په بېلابېلو ولایتونو کې ځنګلونه جوړ کړي، وده ورکړي، او خلک د نیالګیو اېښودلو ته وهڅوي. چې لپاره یې هر کال په ټول هېواد کې د نیالګیو اېښودلو ځانګړي پروګرامونه تنظیمېږي.
نوموړي پر ټولو غږ وکړ چې هر څوک باید لږ تر لږه یو نیالګی کښېنوي او ښه ساتنه یې وکړي، ترڅو د ځنګلونو جوړېدو، پاکې هوا، او د اقلیم بدلون په مخنیوي کې ګټور ثابت شي.
ورپسې  دکلات ښاروال ښاغلي مسافر وویل، چې په دې پروسه کې به ټول ښار کې ۳۲۵۰ نیالګي کښینول شي، چې په بېلابېلو برخو کې به ویشل کېږي. هغه د دې کمپاین په اړه وویل: « ددې کمپاین موخه د ښار ښکلا زیاتول او د چاپېریال لپاره ګټه رسونه ده.» د کلات ښاروال ښاغلي مسافر له ټولو ښاریانو څخه وغوښتل، چې د نوي نیالانو په ساتنه کې همکاري وکړي او د زړو نیالانو پالنه خپله مسؤلیت وګڼي.
بل خوا د زابل ولایت مرستیال والي مولوی محب الله حماس د نیالګیو د ساتنې په اړه وویل: «نیالګیو ساتنه یوازی د ښاروالۍ دنده نه ده، بلکه دا د هر وګړي مسؤلیت دی. که موږ د خپلو نیالګیو ساتنه وکړو، نو نه یوازې ښار ته ښکلا ورکوو بلکې د پاکې هوا او د ناروغیو د مخنیوي په برخه کې هم مهم ګام پورته کوو.»
دا په داسې حال کې ده، چې دکرنې، اوبولګولو او مالدارۍ وزارت له خوا د هېواد په کچه «دنن نیالګی؛ د راتلونکې هوساینه» تر سرلیک لاندې د نیالګیو ملي کمپاین پیل شوی، چې په ترڅ کې به یې میلیونونه نیالګي کښېنول شي.

تازه ترین اخبار

جمعه ۱۴۰۳/۱۲/۲۴ - ۹:۵۹
Background image

جلسه مشورتی برای صادرات گوشت به خارج از کشور برگزار شد

جلسه مشورتی به منظور بررسی صادرات گوشت میان مولوی عطاءالله عمری وزیر زراعت، آبیاری و مالداری و نورالدین عزیزی وزیر صنعت و تجارت با حضور روسای بخش مالداری، استادان پوهنتون کابل، متخصصین. . .

پنجشنبه ۱۴۰۳/۱۲/۲۳ - ۱۳:۵۴
Background image

بررسی وضعیت جنگلات و علفچرهای ولسوالی آبکمری توسط هیئت ریاست زراعت بادغیس

۲۳ حوت ۱۴۰۳ هـ.ش
هیئتی متشکل از ریاست زراعت، آبیاری و مالداری ولایت بادغیس، قوماندانی قطعه جنگلات و مسئولین ولسوالی آبکمری به‌منظور بررسی وضعیت جنگلات و علفچرهای عمومی و جلوگیری از. . .

پنجشنبه ۱۴۰۳/۱۲/۲۳ - ۱۳:۵۰
Background image

بررسی پیشرفت کارهای تخنیکی کانال قوش‌تپه

۲۳ حوت ۱۴۰۳ هـ.ش
جلسه تخنیکی پیرامون بررسی پیشرفت کارهای کانال قوش‌تپه به سرپرستی عزیزالرحمن رحمانی مشاور مقام عالی وزارت، با حضور معاون ریاست انسجام اداره امور، مشاورین و متخصصین وزارت. . .

BACK TO NEWS