زابل کې د نیالګیو اېښودلو کمپاین پرانیستل شو

mail-admin
پنجشنبه ۱۴۰۳/۱۲/۲۳ - ۱۳:۵۸
زابل کې د نیالګیو اېښودلو کمپاین پرانیستل شو

۲۳ کب ۱۴۰۳ه‍.ش
۱۳ رَمَضانُ المُبارَک ۱۴۴۶ه‍.ق
د زابل د کرنې، اوبولګولو او مالدارۍ ریاست له خوا په دې ولاویت کې د نیالګیو اېښودو کمپاین په شاندارو مراسمو سره پیل شو. 
په دغو مراسمو کې د زابل ولایت مرستیال والي مولوی محب الله حماس، د کرنې رییس مولوی عبدالخالق حکیم الله، د کلات ښاروال الحاج قاري رحمت الله مسافر، د رسنیو استازو، بڼوالو او بزګرانو ګډون کړی و.
   د زابل د کرنې، اوبولګولو او مالدارۍ رییس مولوی عبدالخالق حکیم الله  ګډونوالو ته د نوي کال لپاره د نیالګیو کمپاین په اړه ښه راغلاست ووایه او د دوی له ګډون څخه یې مننه وکړه.
مولوی عبدالخالق حکیم الله  د اسلام له نظره د کرنې اهمیت بیان کړاو د نیالګیو اېښودل یې یوه روانه صدقه یاده کړه. هغه زیاته کړه، چې د افغانستان د کرنې وزارت هڅه کوي په بېلابېلو ولایتونو کې ځنګلونه جوړ کړي، وده ورکړي، او خلک د نیالګیو اېښودلو ته وهڅوي. چې لپاره یې هر کال په ټول هېواد کې د نیالګیو اېښودلو ځانګړي پروګرامونه تنظیمېږي.
نوموړي پر ټولو غږ وکړ چې هر څوک باید لږ تر لږه یو نیالګی کښېنوي او ښه ساتنه یې وکړي، ترڅو د ځنګلونو جوړېدو، پاکې هوا، او د اقلیم بدلون په مخنیوي کې ګټور ثابت شي.
ورپسې  دکلات ښاروال ښاغلي مسافر وویل، چې په دې پروسه کې به ټول ښار کې ۳۲۵۰ نیالګي کښینول شي، چې په بېلابېلو برخو کې به ویشل کېږي. هغه د دې کمپاین په اړه وویل: « ددې کمپاین موخه د ښار ښکلا زیاتول او د چاپېریال لپاره ګټه رسونه ده.» د کلات ښاروال ښاغلي مسافر له ټولو ښاریانو څخه وغوښتل، چې د نوي نیالانو په ساتنه کې همکاري وکړي او د زړو نیالانو پالنه خپله مسؤلیت وګڼي.
بل خوا د زابل ولایت مرستیال والي مولوی محب الله حماس د نیالګیو د ساتنې په اړه وویل: «نیالګیو ساتنه یوازی د ښاروالۍ دنده نه ده، بلکه دا د هر وګړي مسؤلیت دی. که موږ د خپلو نیالګیو ساتنه وکړو، نو نه یوازې ښار ته ښکلا ورکوو بلکې د پاکې هوا او د ناروغیو د مخنیوي په برخه کې هم مهم ګام پورته کوو.»
دا په داسې حال کې ده، چې دکرنې، اوبولګولو او مالدارۍ وزارت له خوا د هېواد په کچه «دنن نیالګی؛ د راتلونکې هوساینه» تر سرلیک لاندې د نیالګیو ملي کمپاین پیل شوی، چې په ترڅ کې به یې میلیونونه نیالګي کښېنول شي.

تازه ترین اخبار

سه‌شنبه ۱۴۰۵/۸/۲۶ - ۱۵:۵۹
Background image

ننګرهار کې ۳۰۰ بزګرانو ته د غنمو اصلاح شوي تخم، کیمیاوي سرې او کرنیز وسایل ووېشل شول

۲۶ لړم ۱۴۰۵ هـ.ش
۶ جُمَادَى الثانی ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په هڅو، د بشري خیریه مؤسسې په تخنیکي همکارۍ او د «کورډیډ» مؤسسې په مالي ملاتړ، د دغه ولایت په. . .

سه‌شنبه ۱۴۰۵/۸/۲۶ - ۱۴:۵۶
Background image

د هېواد په ۳۴ ولایتونو کې د غنمو ۶۱۴ ننداریزې کروندې جوړې او پلې شوې

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د کرنې، اوبولګولو او مالدارۍ وزارت د کرنیزو ترویج عمومي ریاست د غله‌جاتو او صنعتي نباتاتو د پراختیا ریاست د ۱۴۰۵ کال د پراختیایي او ترویجي. . .

سه‌شنبه ۱۴۰۵/۸/۲۶ - ۱۴:۵۳
Background image

د میدان وردګو جلریز ولسوالی په بېلابېلو سیمو کې د کرنیزو او پراختیایي پروژو چارې په چټکۍ روانې دي

۲۶ لړم ۱۴۰۵ هـ.ش

۶ جُمَادَى الثانی ۱۴۴۸ هـ.ق

د میدان وردګو ولایت د جلریز ولسوالی په بېلابېلو حوزو کې د همکارې مؤسسې له لوري، د دغه ولایت د کرنې، اوبولګولو او مالدارۍ ریاست په همغږۍ، د. . .

بازگشت