فراه کې څلور چکډیمونه ګټې اخیستنې ته وسپارل شول
۲۹ لېندۍ ۱۴۰۳ه.ش
۱۷ جُمَادَى الثاني۱۴۴۶ه.ق
د کرنې، اوبولګولو او مالدارۍ وزارت له لوري د فراه ولایت د پشت رود او خاک سفید په ولسوالیو کې د څلورو چکډیمونو، ۵۱ زره او ۱۹۳ ترنچونو او درې پلچکونو رغنیزې چارې پشپړ او ګټې اخیستنې ته وسپارل شول.
د فراه دکرنې، اوبولګول او مالدارۍ رییس مولوی شاه محمد«حاجي سروري» وویل، چې یاد چکډیمونه، ترنچونه او پلچکونه د ملګرو ملتونو دخوړو او کرنې ادارې په همکارۍ رغول شوي دي، چې د دغو چکډیمونو د جوړولو په جریان کې لسګونو کسانو ته د کار زمینه هم برابره شوې وه.
د دغو چکډیمونو په بشپړېدو سره د باران اوبه مهار او د ځمکې لاندې اوبو سطحه به برقراره وساتل شي. ددغو پروژو د پلي کولوموخه د موسمي اوبو مدیریت او په ټوله کې د بزګرانو او مالدارانو د اوبو ستونزې هوارول دي.
هېره دې نه وي، چې په هېواد کې د سېلابونو د مخنیوي او ځمکې لاندې اوبو د پیاوړتیا په موخه د اسلامي امارت له لوري د هېواد په هره ولسوالۍ کې یو – یو چکډېم جوړېږي، چې تر دې مهال یې د لسګونو چکډېمونو چارې بشپړې شوي او دا لړم لا هم روانه ده.
