دهلمند مارجې کې لسګونو بزګرو سره د بېلابېلو توکو مرسته وشوه
۲۹ چنګاښ ۱۴۰۲ه.ش
۳ مُحَرَّمُ الحَرام ۱۴۴۵ه.ق
دهلمند ولایت د کرنې ،اوبولګولو او مالدارۍ ریاست لخوا، د ډاکار مؤسسې په مالي همکارئ ٩٠ تنو بزګرو سره د ٥ قلمه توکو مرسته وشوه.
د یادو توکو په ترکیب کې هربزګر ته یوه پایه ددوا شیندلو پمپ ماشین، یوه پایه د کفتې ماشین، یو عدد تیشه، یو عدد منګال او د روبو ساتلو دوه عدده بوتلونه شامل دي.
د نوموړو بزګرو د انتخاب سروې مخکې د ګډې کمیټې لخوا ترسره شوې ده، چې وروسته ورته یاد توکي ووېشل شول.
دیادولو وړ ده، چې یادو بزګرو سره تر دې وړاندې هم د بېلابېلو سبو تخمونو مرسته ترسره شوې ده.
ددې مرستې موخه د بزګرانو ملاتړ په ټوله کې دکرنې میکانیزه کولو ته زمینې برابرول دي.
