د ننګرهار اوو ولسوالیو کې لسګونو مالدارانو سره مرستې وشوې
۱۲ چنګاښ ۱۴۰۲ه.ش
۱۵ ذیالحِجّة ۱۴۴۴ ه.ق
د ننګرهار دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې د «FAO» په همکارۍ ددې ولایت د اوو ولسوالیو «شېرزاد، دره نور، مومندره، غني خېل، نازیان، سپین غر او دور بابا» کې نهه زره او ۸۰۰مالدارانو او سره د حیواني درملو او د څارویو خوراکي توکو پېرلو په پار د نغدو پیسو مرستې وکړې.
ددې مرستې په ترڅ کې هر مالدارا ته د څارویو خوراکي توکو پېرلو په پار شپږ زره او ۸۵۰ افغانۍ ورکړل شوي دي.
د یاد ولسوالیو له مالدارانو سره دغه مرستې په داسې حال کې ترسره شوې، چې مخکې هم د نوموړې ادارې له خوا د د یادو ولسوالیو په ګډون د نورو ولسوالیو ګڼو مالدارو او کوچیانو سره د څارویو د متراکمو خوړو او نغدې پیسې مرستې ترسره شوي دي.
په ورته مهال د سیمې مالدارانو له یادې مرستې خوښي وښوده او په راتلونکي کې یې هم د لا نورو همکاریو غوښتنه وکړه.
ددې مرستې موخه د بېوزله مالدارانو ملاتړ او په ټوله کې په یاد ولسوالیو کې د مالدارۍ سکټور ودې ته زمینه برابرول دي.
