لغمان کې د ځنګلونو خوندیتوب او پراختیا په پار هڅې
۳۱ غبرګولی ۱۴۰۲ه.ش
۳ ذیالحِجّة ۱۴۴۴ ه.ق
د لغمان د کرنې، اوبولګولو او مالدارۍ رياست په دې ولایت کې د ځنګلونو خوندیتوب اوپراختيا په پار هڅې پیل کړي دي.
په همدې موخه تېره د لغمان دکرنې ریاست د طبیعي سرچینو چارواکو د دې ولایت د علینګار ولسوالی د نورلام درې قومي مشرانو، سپین ګیرو او میشتو قومونو سره د ځنګلونو خوندیتوب، دلرګو د پرېکېدو د مخنیوي او قاچاق په پار غونډه دائره کړه.
په جوړه شوی ګډه ناسته کې د لغمان دکرنې ریاست د علینګار ولسوالی نورلام درې مشرانو ته د ځنګلونو د پرېکېدو د مخنیوي او دځنګلولونو د ساتلو، دځنګلونو د اقتصادي ارزښت او د ځنګولونو د بیا احیا په تړاو لازمې لارښوونې وشوې، او ددې ولسوالی له خلکو او چارواکو یې وغوښتل، چې د ځنګلونو د ساتنې او پراختيا په برخه کې له دوی سره مرستې او همکارۍ وکړي.
په همدې حال کې د علینګار ولسوالی د نورلام درې قومي مشرانو په یاده برخه کې د هرډول همکاریو ډاډ څرګند کړل.
