د بغلان دکرنې ریاست چارواکو د «FAO» ادرې له استازو سره وکتل
د بغلان دکرنې، اوبولګولو او مالدارۍ رییس قاري محراب الدین بلال د ملګرو ملتونو دخوړو او کرنې ادارې استازی انجنیر قریدالله شېرزاد او نورو همکارانو سره د خپل کار په دفتر کې وکتل.
په دې کتنه کې د ملګرو ملتونو د خوړو او کرنې ادارې استازو د مرکزي بغلان، پلخمري او دهنه غوري ولسوالیو کې د خپلو راتلونکو پروژو په اړه د بغلان دکرنې رییس ته مفصل معلومات وړاندې کړل. دغه رار یادو استازو وویل، چې د «FAO» اداره په پام کې لري، چې په یادو ولسوالیو کې پر ۳۶۰ مخکښو بزګرانو د سویابینو اصلاح شوي تخمونه، کیمیاوي سرې او نور اړونده توکي ووېشي.
په همدې حال کې د بغلان دکرنې رییس قاري محراب الدین د ملګرو ملتونو د خوړو او کرنې ادارې استازو څخه مننه وکړه، چې په دې ولایت کې دکرنې او مالدارۍ په برخه کې پروژې پلي کوي او دوی ته د هر ډول همکاریو ډاډ ورکړ.
