د هلمند دکرنې رییاست: د ګرشک ولسوالی قوریه کې ٣٠زره اصله نیالګي روزل کېږي
د هلمند د کرنې، اوبولګولو او مالدارۍ ریاست اړوند د طبیعي سرچینو امریت لخوا د ګرشک باغ عمومي ځمکه کې د ٣٠زره اصله نیالګیو روزلو چارې پیل شوي دي.
دغه لړئ د هلمند ولایت د مقام په همکارۍ د یوه ګډ پلاوي په مرسته او همکارۍ تر سره کېږي چې په ٨ جریبه ځمکه کې به مختلف النوعه مېوه لرونکي او بې میوې نیالګي وروزل شي.
د ګرشک عمومي بڼ د نیالګیو روزلو قوریه چې له مودو را پدیخوا پکې کرنیز فعالیتونه په ټپه درېدلي ؤ، دا مهال د هلمند د کرنې ریاست اړوند طبیعي سرچینو آمریت لخوا د ولایت مقام په همکارۍ کرنې ته چمتو شوې ده چې همدا اوس پکې د نوو نیالګیو روزلو چارې روانې دي. یاد نیالګي چې شمېر یې ٣٠زرو ته رسېږي پکې مېوه لرونکي او زینتي بوټي شامل دي، چې راتلونکي کال ته به د بڼوالو لپاره وېشلو ته چمتو شي.
په نوموړې قوریه کې به د بېلابېلو اصلاح شوو نیالګیو روزلو برخه کې د کرنې ریاست فني او مسلکي کارمندان کار کوي تر څو د راتلونکي کال لپاره بڼوالو ته با کیفیته اصلاح شوي او زینتي نیالګي چمتو شي او تر څنګ یې د سیمې او چاپیریال د ښکلا او سمسورتیا په پار به په ګڼو عام المنفعه ځایونو کې وکرل شي.
