د ننګرهار د کانال ریاست په پنځو ولسوالیو کې ۱۱زره او ۳۹۶ هکټاره ځمکې لري
د ننګرهار د کانال ریاست چارواکي وایي، چې دننګرهار وادي کرنېز ریاست ( کانال پروژه) د هېواد د سترو کرنیز، اقتصادي او ټولنیزو پروژو څخه ده. ددغې سترې پروژې ساختماني چارې په ۱۳۴۲ کال کې عملاً پیل شوی.
ددې ریاست عمومي کانال په یوه ثانیه کې د ۵۰ متر مکعب اوبو وړتیالري، چې ۳۱ زره هکټاره ځمکې خړوبوي.
د چارواکو په خبره د ننګرها کانال ریاست ۱۱ زره او ۳۹۶ هکټاره ځمکه لري، چې ددې ولایت په پنځو ولسوالیو کې پروت دی. دغه راز یاد ریاست څلور میکانیزه کرنیز فارمونه هم لري.
ددې ریاست لوی نهر (کانال) د ۲۵ زره هکتاره ځمکې د خړوبولو وړتیا لري، چې ۱۱ زره او ۳۹۶ هکټاره ځمکه یې دولتي او ۱۴ زره هکټاره یې شخصي ځمکې دي.
د ننګرهار کانال ریاست چارواکو ددې ریاست د چارو د ښه پرمخ وړلو او د عوایدو زیاتوولو په پار هلې ځلې کوي، چې په ترڅ کې یې د کانال اړوندو ځمکو کې د کبانو فارمونه، د چرګانو، فارمونه، د مالدارۍ فارمونه، د بېلابېلو مېوو بڼونه او یوشمېر نو تاسیسات جوړ شوي دي.
