د ننګرهار دکرنې ریاست: د ټارکیټ شوو عوایدو په خپل وخت راټولولو په موخه غونډه ترسره شوه
د ننګرهار ولایت والي حاجي ملا محمد نعیم اخند تر مشرۍ لاندې په دې ولایت کې د عایداتي ادارو له ریسانو سره د ټارکیټ ورکړل شوي عوایدو د راټولولو په موخه غونډه ترسره شوه.
غونډه کې د ننګرهار کرنې، اوبولګولو او مالدارۍ ریاست سربېره د مستوفیت، ترانسپورت، ښارجوړونې، عدلیه، پوهنې، پوهنتون، اطلاعات او فرهنګ، ټول ګټو، مرکزی احصاییه ریاستونو ریسانو خپل د راټول شوو عوایدو په اړه د ننګرهار والی ته ګزارش وړاندې کړ.
دننګرهار د کرنې ادارې رییس مولوی عبدالستار محمد لخوا د خپل ریاست اړوند د راټول شوو عوایدو په اړه د معلوماتو شریکولو ترڅنګ د عوایدو راټولولو برخه کې په یو شمیر ستونزو هم خبری وکړي او زیاته یي کړه چې د ځمکو د اجارو برخه کې ډیر باقیداران شته چې خپل د اجارو پیسی یي نه دی تحویل کړي، نو ددی لپاره چې د مستاجرینو باقیداری تصفیه شي، د ولایت مقام څخه یي د همکارۍ غوښتنه وکړه، چې د ولایت مقام لخوا ورته د هر راز همکارۍ ډاډ ورکړل شو.
