د پکتیا ولایت د غصب د مخنیوی او غصب شویو ځمکو د تشخیص او تثبیت پلاوی اتمه ناسته ترسره کړه
د پکتیا ولایت د غصب د مخنیوی او غصب شویو ځمکو د تشخیص او تثبیت تخنیکي پلاوی اتمه غونډه ترسره کړه.
یاده غونډه چی د پکتیا ولایت د ښار جوړونې په ریاست کی دایره شوه د یاد پلاوی رییس او غړو پکې ګډون درلود.
د پکتیا د غصب د مخنیوی او غصب شویو ځمکو د تشخیص او تثبیت تخنیکي پلاوی ریس او غړو په جوړه شوی ناسته کې د تیرې اوونۍ راپورنه شریک کړل او هر یو په پخپل وار سره د راتلونکی دوشنبې ورځې لپاره په پلان شوی عملي طرحه کی خپل نظرونه وړاندې کړل، چې په آخر کې یو بې ساری طرحه او پلان ترتیب کړ.
د یادولو وړ دی، چې د غصب د مخنیوی او غصب شویو ځمکو د تشخیص او تثبیت تخنیکي ټیم د اسنادو د څیړلو په موخه پنځه کسیزه پلاوی ټاکلی و.
او همدارنګه یاد ټاکل شوی پلاوی ته د اسنادو د څیړلو په موخه لازمې سپارښتنې وشوې او یاد ټیم د مشرانو لارښونو ومنلې او د همکارۍ ډاډ یې ورکړو چې موږ به د را سپارل شوی دندې په پوره صداقت او ایماندارۍ سره ترسره کوو.
