د ختیځ زون په کچه د ژمنې تخمونو د تولید په موخه د پلان جوړونې ورکشاپ دائر شو
۲۳ تله ۱۴۰۱ه.ش
۱۹ ربیعالاول ۱۴۴۴ ه.ق
د ننګرهار ولایت د کرنې، اوبولګولو او مالدارۍ ریاست اړوند تخمونو ته د تصدیق ورکړي امریت له خوا په ختیځ زون کې د تخمونو تولیدونکو شرکتونو لپاره د ژمنې تخمونو د تولید په موخه ورکشاپ په لاره واچول شوه.
د دې ورکشاپ په پیل غونډه کې د ننګرهار دکرنې رییس مولوی عبدالستار محمد وویل: «پلان باید د کاغذ پرمخ نه وي د تخم د تولید قانون د طرزالعمل مطابق داسي پلان ترتیب شي چې عملي جنبه ولري.»
د ننګرهار دکرنې رییس د شرکتونو چارواکو ته سپارښتنه وکړه چې ټول شرکتونه مکلف دي چې ښه کیفیت لرونکې مورنې تخمونه تولید کړي او خپل تخمونه په خپل وخت پاک کاري او د تصدیق اخستنې لپاره لابراتوار ته مراجعه وکړي او بزګرانو ته په خپل وخت تخمونه ورسوي.
محمد زیاته کړه ټول شرکتونه مکلف دي چې د تخمونو د ساتنې لپاره معیاري ګدامونه، د تخم پاکولو لپاره مجهز ماشینونه او مسلکې پرسونل ولري.
وروسته د تخمونو تولیدونکو شرکتونو مسؤلینو یو لړ ستونزې د حل په موخه شریک کړل او غوښته یې کړل، چې د تخمونو د تولید په خاطر باید شرکتونو ته ځمکې په اجاره ورکړل شي، او هم د ظرفیت لوړونې او مالي برخه کې د شرکتونو سره همکاري ووشي.
