لوګر کې یوشمېر بزګرانو د کرنیزو محصولاتو د بازارموندنې په برخه کې وروزل شول

۳۱غبرګولی ۱۴۰۱ ه‍.ش ۲۲ ذوالقعده ۱۴۴۳ ه‍.ق د لوګر دکرنې، اوبولګولو او مالدارۍ ریاست د «Rop_AMP» مؤسسې په همکارۍ یوشمېر بزګران د کرنیزو محصولاتو بازارموندنې او له زردالو د کشتې جوړولو لارې چارې وښودل شول. ددې روزنیز پروګرام په پیل غونډه کې د لوګر دکرنې رییس مولوی سید امین هاشمي، د لوګر دکرنې ریاست د کرنیزو چارو آمر محمد رفیع ابراهیمي، د«Rop_AMP» مؤسسې ولایتي مسوول محمد دین مومند، کارکوونکو، د پلازمینې څخه راغلی استازی او د لوګر ولایت یوشمېر بزګران ګډون کړی وو. په پیل کې د لوګر دکرنې رییس د غونډې ګډونوالو ته د ښه راغلاست تر څنګ وویل، چې په دغه پروګرام کې مو څه زده کړل تر کلیو اوبانډو یې خپلو بزګرانو ته ورسوئ، تر څو د بزګرانو د پوهې کچه لوړه شي. دغه راز د«Rop_AMP» مؤسسې ولایتي مسوول محمد دین مومند، ګډون والو ته په خطاب کې وویل، چې له هرې لارې خپلو هېواد والو ته خدمت کوو او هڅه مو دا ده، چې په لوګرکې بزګرانو ته بڼونه جوړ کړو، او بزګرانو ته د بازار موندنې لارې چارې زده کړه. په همدې حال کې، د کابل څخه راغلی پلاوی ګډونوالو ته د مېوو ساتلو او زردآلو څخه د کشتې جوړولو اړونده هراړخیز معلومات وړاندې کړل او د کشتې جوړولو عملي غرفه یې جوړه کړه، ترڅو بزګران پرې پوه او د محصولاتو څخه د کشتې جوړولو طریقه زده کړي، ترڅو یې په خپلو کلیو کې عملي کړي او له کمو حاصلاتو ډېر پیسې لاسته راوړي. د«Rop_AMP» مؤسسه، په لوګر ولایت کې د بڼوالۍ او بزګرانو ته د څاڅکې اوبوخور سیستم جوړولو په برخه کې فعالیتونه کوی.