نورستان کې زرو مالدارو کورنیو سره د څارویو د خواراکي توکو مرسته وشوه
![نورستان کې زرو مالدارو کورنیو سره د څارویو د خواراکي توکو مرسته وشوه](https://www.mail.gov.af/sites/default/files/2021-03/whatsapp_image_2021-03-14_at_1.49.31_pm.jpeg)
۲۳ کب ۱۳۹۹
د نورستان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «FAO» په مالي همکارۍ ددې ولایت په ۱۰۰۰ مالدارو کورنیو د څارویو متراکم خوراکي توکي وېشلي دي.
د نورستان دکرنې ریاست چارواکي وایي، چې ددې مرستې په لړ کې په هرې کورنۍ د څارویو ۱۰۰ کیلو ګرامه متراکم خوراکي توکي وېشل شوي دي.
یادې مرستې د برخمن شویو مالدارانو د ملاتړ او ددې ولایت د مالدارۍ د پراختیا په پار تر سره شوي دي.