هلمندي بزګران د سویابینو د کرکېلي نوي لارې چارې زده کوي

۲۹ مرغومې ۱۳۹۹
د هلمند ولایت کرنې، اوبولګولو او مالدارۍ ریاست په هلو ځلو د افغانستان پراختیایي ادارې په مالي همکاری ددې ولایت د مرکز لښکرګاه په کډون ددې ولایت په یوشمېر ولسوالیو کې ۱۲۰۰ جریبه ځمکه کې سویابین کرل کیږې.
د هلمند دکرنې رییس زلمي الکو وایي، چې په دې ولایت کې بزګرانو ته د سویابینو دکرکېلي نویو لارو چارو د زده کړې په پار روزنیز پروګرام پیل شوی دی.
د ښاغلي الکو په خبره ددې پروسې له لارې بزګران ته د زده کړې ترڅنګ دوی ته د سویابینو اصلاح شوي تخمونه او کیمیاوي سرې ورکول کېږي، چې د اړتیا وړ تخممونه او کیمیاوي سرې د وطن ملي دانې لخوا چمتو کیږي، ترڅوددې ولایت په ۱۲۰۰ جریبه ځمکه کې سویابین ورکرل شي.
د یادې ځمکې څخه د سویابینو راټول شوي محصولات به بېرته د همدې موسسې له لارې له بزګرو څخه پېرل کیږي.
د یادونې وړ ده، چې تر دې وړاندې هم د هلمند د کرنې ریاست له خوا د هلمند په ۵۵۰ جریبه ځمکه کې سویابین کرل شوې وه، چې بزګرو ورڅخه د قناعت وړ حاصلات ترلاسه کړل.
څېړنو ښودلې چې هلمند ولایت کې دسویابینو کښت ښه حاصل ورکوي.
د هلمند د کرنې ریاست هڅه کوي، چې هلمند کې سویابین ترویج کړي او په راتلونکو کلونو کې دالړۍ نوره هم وغځوي او د ولایت په کچه ترې ټول ځمکوال برخمن کړي.
سویابین بشپړه پروتیني او مغذي مواد لري او د کورنیو په روغتیا په ځانګړي ډول د ماشومانو د خوارځواکۍ په مخنیوی کې رغنده رول لري.