د ننګرهار دکرنې ریاست: د بزګرانو او مالدارانو د ستونزو  دحل په موخه د یوشمېر ولسوالیو له مسوولینو سره ناسته وشوه

۲۰ غویی ۱۴۰۵ه‍.ش
۲۳ ذُو ٱلْقَعْدَةِ ۱۴۴۷ه‍.ق
د ننګرهار د کرنې، اوبو لګولو او مالدارۍ رییس مولوي عبدالستار محمد د کرنیزو خدمتونو امر انجینر غافر الله کانوال په ملتیا د لعلپورې او مهمندرې ولسوالیو د مسؤلینو او مدیرانو سره د د بزګرانو ستونزو په نښه کولو، حل لارو، ځمکو غصب مخنیوي، ځنګلونو ساتنه، متوازن پرمختګ، بڼوالۍ پراختیا، اوبو ښه مدیریت، مالدارۍ سکتور پیاوړتیا او نورو بېلا بېلو موضوعاتو خبرې وکړې.
د ننګرهار د کرنې رییس مولوي عبدالستار محمد  وویل د بزګرانو ستونزو په نښه کولو په موخه یي ولسوالیو  ته د سفرونو لړۍ پیل کړي او هڅه کوي، چې په ولسوالیو کې د بزګرانو، مالدارانو او خپلو کارکوونکو ستونزې په نښه او د حل یو مناسبه لاره ورته ولټول شي.
ښاغلي محمد د ولسوالیو د کرنې، مالدارۍ، عشر او زکات کارکوونکو ته د مسؤلینو اطاعت او د کرنې وزارت د کړنلارې مطابق د اجراتو ترسره کولو سپارښتنې هم وکړي.
د دواړو ولسوالیو ولسوالانو هم د کرنې او مالدارۍ په بېلابېلو برخو کې خپلې ستونزې، غوښتنې او وړاندیزونه شریک کړل، چې د ننګرهار دکرنې رییس له لورې د حل ډاډ ورکړل شو.a